مشترياتي لشهر يناير منوع من عدة ماركات + رفيو و سواتش بالتفاصيل

بـسـمـ الـلـه الـرحـمـنـ الـرحـيـمـ

.
.

رديت لكم مره ثانيه بمشترياتي الجديده ومثل المره الي طافت راح اكتب لكم بالتفاصيل عنهم
واقولكم شنو الي طلع اوكي وشنو الي لا

حق الي ما شاف الموضوع الاول يقدر يشوفه من اهني

http://www.q8yat.com/t987867.html



__________________________________________________ ______________




بالنسبه حق هالشهر حسيت اكثر مشترياتي كانت من Bath and Body
بصراحة الخصومات كانت ما تتقاوم وانا من غير شي ادمان على منتجاتهم


اتوقع كافي كلام ومقدمات خل اراويكم ماجلتي حق هالشهر

http://i913.photobucket.com/albums/a...hmuphaul27.jpg

من NYX شريت التالي:

- Luscious Lip Gloss Pallet
- True red + Doll Pink Lep Gloss
- Orange + Bloom + Hot Red Lip Liners

Review:

- الباليت اممم ما ادري لما جربته بالمحل على ايدي حبيت الالوان والحين هم بالسواتش راح تشوفون الالوان حلوه بس لما حطيته على شفايفي ما حبيته وايد حسيته مو مناسب للون بشرتي احس يناسب وحده بيضه وايد وانا بشرتي يايه على برونز فما حسيته يلوق معاي لكن ممكن اجرب اخلطه مع حمر ثانيه عندي ويطلع لي الوان تناسبني

- الجلوسز الوانهم حلوه بس خفيفين يعني حلو للنهار تحطينه بروحه او بالصيف واذا حبيتي تثقلينهم تحطين فوق حمره من نفس الوانهم تقريبا وبيطلع شي حلو

- اللب لاينرز حلوين الوانهم تبين بسرعه وحبيتهم اكثر لون حبيته البلووم

Swatch:

http://i913.photobucket.com/albums/a...hmuphaul28.jpg



__________________________________________________ ______________




http://i913.photobucket.com/albums/a...muphaul210.jpg

مشترياتي من The Body Shop:

- Lychee Blossom Body Mist
- Lychee Blossom Body Butter
- White Musk Blush
- Strawberry Shower Gel

Review:

- بالنسبه لليتشي بودي ميست حبيته ريحته خفيفه ومنعشه خصوصا للنهار او اذا حابه تكونين خفيفه وفرش

- ليتشي بودي بتر ريحته مو مثل البدي ميست غير بصراحة بس حبيته عشان ملمسه على الجسم يرطب بشكل حلو للشتا خصوصا عقب الشاور بس الي ما حبيته فيه ما يترك اثر نعومه لا لمدة راح تكون بشرتج شوي مدبقه والسبب الرطوبه الي فيه

- بخصوص المسك انا احب ريحة المسك وايد حيل حيل حيل ريحته تخليني احس اني بمكان وايد حلو وكله طبيعيه وخضار واحس نفسي لابسه نفنوف ابيض خفيف جنه اطير لوووول انصحكم فيه بنات وشكلي بروح اخذلي منه بعد اخليهم سبير لان صج حبيت ريحته

- بخصوص الشور جيل سعر جدا حلو بس ب 3.500 د.ك والكمية كبيره انا خذيت ريحة الفراولة لما شميته حلو بس لما تتسبحين فيه ما ادري الريحه مو نفس الشي بس هم زوين بس الحلو فيه وهالشي حلو حتى بالبدي سكرب مال بودي شوب ان دايم يخلي الجسم رطب فيه نسبة زيوت يعني بعد الشور جسمج ما ينشف وانا هالشي يهمني حيل و انتبهوا وايد بنات لا تخلون بشركم تنشف راح يبين فيه الخطوط والكبر بسرعه خلوها رطبه على طول عشان اتمون شباب لول



__________________________________________________ ______________




http://i913.photobucket.com/albums/a...muphaul211.jpg

مشترياتي من Bath and Body:

- Country Chic Chic Campagnard body mist
- Black Amethyst Amethyst Noise body mist
- Be Enchanted Enchantee body mist
- Dark Kiss scented candle
- Secret Wonderland Jardin Enchante scented candle

Review:

- الكونتري تيشك شريت منه اول البودي كريم وريحته انتعاش فيه مثل ريحة الليمون بس يونس حيل فشريت منه المست الحين وهم حبيته نفس ريحة الكريم بالضبط واحلى

- البلاك اميثست ريحته عجيبه احس فيه غموض لووول يذكرني بعطور ديور برزانتهم حبيته وايد واكيد راح اروح اشتري منه الكولكشن الكامل لان صج حبيت ريحته تخليني احس اني شي وايد حلو وغامض يحير الناس لوول

- بي انتشانديد ريحته سوويت وانا احب سوالف السويت واكيد ريحته شتويه تنفع للشتا اكثر لانها ثقيله خذيت منه بعدين شغله ثانيه راح تشوفونه بنهاية الموضوع

- الدارك كيس يبت منه الشمع المعطر وحبيت ريحته وريدت خذيت منه باجي الكوليكشن تشوفونه بنهاية الموضوع واكيد شموع باث اند بودي غنييين عن التعريف

- سيكريت وندرلاند هم يبت منه الشمع وحيل حبيت ريحته اكيد راح اد لهم واخذ منه البودي ميست واشوف يمكن البودي كريم


طبعا كل البرودكتس الي خذيتها منهم كانوا من الـ Signature Collection



__________________________________________________ ______________




http://i913.photobucket.com/albums/a...hmuphaul29.jpg

مشترياتي من كارفورد:

- Mini Charm
- Mini Pink

Review:

- التشارم ريحته بصراحة مو عارفه اوصفه بس صج اسم على مسمى ريحته حلوه تنفع صيفي شتوي

- البينك ريحته عجييييييييييبه انا عن نفسي حبيته وايد وجان زين لو في منه كبير وهم ينفع صيفي شتوي بس بالصيف ينفع بالليل اكثر ريحته عجيبه بنات

العطرين من ماركة Ulric De Varens وهذي ماركه فرنسيه تلقونه بقسم العطو الي بكارفورد وانا من فتره بصراحة بلشت اشم العطو الي بالسوبر ماركتس قبل كنت حتى ما اطالعهم بس الحين صرت اجربهم مو كلهم حلوين بس تحصلين شغلات جد حلوه وهالعطرين انا انصح فيهم للاسف حجمهم صغير ربع ملي متر المفاجأه ان سعر الواحد 770 فلس بس شنو ريحته تدووووم صج روحوا جيكو عليهم بنات بس مو تخلصونهم لان ابي اروح اخذ منهم بعد في منهم انواع ثانيه بس انا حبيت هالاثنين



__________________________________________________ ______________




http://i913.photobucket.com/albums/a...hmuphaul25.jpg


مشترياتي من سوق السلاح من ماركة Mikyaj:

- Lipstick + lip Gloss no. 23
- Lipstick + lip Gloss no. 25
- Lip Gloss no. 34

Review:

- اللون الوردي اللحمي حلو هاللون من الواني المفضلة الحمره تونس مو ناشفه وكريمي بس مو كريمي وايد نص نص

- اللون العنابي فضيع احبه للشتا مع كات ايز يطلع حيل حلو وشعر مرفوع تطلعين سوو ايليجنت

- اللون البيج هم من الواني المفضلة

بشكل عام الحمر حبيتها اكثر من الجلوس, لان الجلوس يطلع حلو بس ماادري يطلع فيه خطوط فاضيه مو متروسه

Swatch:

http://i913.photobucket.com/albums/a...hmuphaul26.jpg



__________________________________________________ ______________




http://i913.photobucket.com/albums/a...hmuphaul23.jpg

مشترياتي من مكياج المنصور + محل بجمع بيروت حولي:

- Diana London - Eyeliner color coffee been
- Golden Rose lipstick color 55
- Smiling creme eyeshadwo color 1

Review:

- القلم من ماركة ديانا لندن اول مره اجرب هالماركه لقيتها بمحل فوق بمجمع بيروت اهيا ماركة المانيا وخذيته حق حواجبي لان احب الحواجب الفاتحه اممم تقيمي حقه مو ايد اوكي عادي حاله حال اي قلم عادي وبصراحة مو قاعده استخدمه لوول جربته مره وخليته

- الحمره من ماركة تركيا لونه حلو وايد مره ثانيه لون عنابي ماادري شكلي بسوي كولكشن حق الحمر العنابيه بدرجاتها لوول تقيمي للحمره حلو كريمي وغني حبيته

- الكريم اي شادو من مكياج المنصور المره الي طافت خذيت منه ازرق وهالمره خذيت لون بيج فاتح على ذهبي حلو حق تحت الحاجب وهم حلو تحطينه على الجفن وتثبتين فوق اي شادو باودر


Swatch:

http://i913.photobucket.com/albums/a...hmuphaul24.jpg



__________________________________________________ ______________



http://i913.photobucket.com/albums/a...hmuphaul21.jpg


مشترياتي من محل نسيت اسمه بس موجود يم لولوهايبر ماركت:

- Shinning Pen no.3
- Shinning Pen no.1
- Silver Lady Lipstick no.12
- Davis pen no. 317
- Davis Double Color no.17
- Davis Double Color no.12
- Davis Double Color no.25

هذي اسمائهم من اليمين لليسار بالترتيب

Reivew:

- اللون الذهبي من الشايننغ بين امممم ما حبيته وايد وملمس القلم مو كريمي نفس الشي ينطبق على اللون الابيض مو وايد حبيتهم

- الحمره البنفسجيه حلوه حيل وهم من الواني المفضله ملمسها كريمي وحلو

- اللون الذهبي من دافيس امممممممممممم ماادري بالمحل حبيته بس رديت البيت ما حبيته وايد

- الدبل كولور من دافيس اللون الازرق عجيب عجيب عجيب

- اللون السلفر معاه ابيض بعد صاااااايره ادمان عليه هالجم يوم كله احط اللون الرمادي الفاتح تحت العين ويطلع حيل حلو

- اللون الاخضر هم عجيييب رحت مره ثانيه وخذيت منه واحد بدون لمعه راح تشوفونه بنهاية الموضوع مع لون ثاني لان صج حبيت الاقلام حلوين وايد انصحكم فيهم


Swatch:


http://i913.photobucket.com/albums/a...hmuphaul22.jpg



__________________________________________________ ______________




http://i913.photobucket.com/albums/a...muphaul212.jpg

هالمره خذيت صوره جماعية للمشتريات بس حطيت عليهم ارقام عشان يسهلي طريقة العرض


مشترياتي من Bath and Body

- رقم 1 True Blue Spa Shea Butter Super Rich Foot Cream
- رقم 2 True Blue Spa Monoi oil Nourishing Body Lotion
- رقم 4 Dark Kiss Small Shower Gel
- رقم 5 Shimmer Body Butter from Be enchanted
- رقم 6 Warm Vanilla Sugar anti-bacterial Hand spray
- رقم 7 Dark kiss Body Cream
- رقم 8 Dark kiss Big Shower Gel
- رقم 11 True Blue Spa Paraffin Super Softening Hand Lotion
- رقم 15 True Blue Spa Shea Butter Super Rich Body Cream
- رقم 19 Dark Kiss Body Mist


Rivew:

- بتكلم عن رقم 1,2,11,15 هالـ 4 من كولكشن الـ True Blue Spa اول مره جربت منهم اللون الوردي الي اهوا لوشن حق الايد ريحته امممممممممممممممممممممممم ممم عجيب وملمسه على البشره فضيع كل ما احطه الكل يسالني عنه تقيمي حق اللون الوردي 10 من 10 فالمهم لما رحت اشتري منه واحد ثاني لان الي عندي خلص لقيت مسوين عرض على هالـ 4 مع بعض واكيييد خذيتهم وكلهم حلوين وتقيمي لهم 10 من 10 انصحكم فيهم

- الحين بتكلم عن رقم 4, 7, 8, 19 اكيد رقم 19 مو موجود بالصوره لان نسيت اصوره المهم هالبروداكتس من السيغنتشير كوليكشن تحت اسم دارك كيس ريحتهم حلوه مثل ما تشوفون خذيت منه البودي كريم والبودي ميست والشور جيل, الشور جيل لو تلاحظون ماخذه حجمين واحد كبير و واحد صغير ماادري يتني فكره اخلي الصغير بالجنطه معاي على طول مو عشان اتسبح فيه لوووول لا عشان مرات لما نطلع اماكن معينه مستواها عادي تبين تغسلين ايدج ولا تنصدمين ماكو صابون بالحمام فبلخي وياي باك اب :\

- رقم 5 تذكرون في بداية الموضوع شريت من هالنوع شمعه والحين خذيت هالبودي بتر صغيرون ينفع للجنطه وريحته حلوه والاحلى ان فيه لمعه حلوه تونس ومثل ما قلت راح ارد اخذ منه البودي ميست

- رقم 6 هذا من جروب الانتي باكتيريال وحجمه حلو للجنطه وانا من غير شي اموت على ريحة الفانيلا واكيد عندي الكولكشن كامل من باث اند بودي


مشترياتي من نفس المحل الي شريت منه من قبل يم لولوهايبر ماركت قلت:

- رقم 3 Karite Paris Eye Shadow Shimmer Mineral no.20
- رقم 17 Davis Double Color No.4
- رقم 18 Davis Double Color no.23

Review:

- هالمنيرال حبيته ولونه يونس حيل تقيمي له 8 من 10 بس طبعا يبيله شدو كريمي يثبته على العين

- رقم 17 و 18 نفس الاقلام الي قبل رديت خذيت منهم لون اخضر بدون لمعه و خذيت لون بنفسجي عجيييب حق السموكي


Swatch

http://i913.photobucket.com/albums/a...muphaul213.jpg


مشترياتي من The Body Shop

- رقم 10 Blueberry butter

Review:

- تعرفوني احب ان الجسم يكون رطب عشان جذي عندي وايد انواع واشكال حق زبدة الجسم هالمره خذيت البلوبيري ريحته عادي وملمسه نفس البودي بدر مال الليتشي يرطبج بس يخليج مدبقه شوي لول تقيمي ماشي حاله بس اذا خالص ما راح اشتريه مره ثانيه لول


مشترياتي من ماركس اند سبنسر

- رقم 9 عطر اسمه ISIS

Review:

- العطر حلو وايد ريحته بارده تونس تخليج تحسين انج خفيفه ريحته صيفي شتوي وينفع للصيف اكثر ببرودته خذيت منه الحجم الصغير قلت اجربه واشوف ثباته وثباته كان حلو وبرد اخذ منه الحجم الكبير تقيمي للعطر 9 من 10


مشترياتي من سلطان سنتر:

- رقم 12 Herbal Essences HairSpray Extra Hold

Review:

- ثباته حلو + ريحته حلوه + من منتجاتي المفضله واكيد تقيمي 10 من 10


مشترياتي من H&M:

- رقم 13 Creme Brulee Lip Balm
- رقم 14 Pink Frosting Lip Balm

Review:

- اثنينهم حلوين ريحتهم تونس وملمسهم حلو عالشفايف بنات على طول حطو بالمز على شفايفكم وانتو قاعدين بالبيت وحتى لو طلعتوا وما تبون تحطون حمره خلو البالمز على طول على الشفايف يرطبهم ويحلهم حتى بنات المدرسه والجمعات واكيد قبل لا تحطين حمر على طول حطي بالمز لين تخلصين الميك اب كله بعدين حطي الحمره وشوفي النتيجه مليون مره احلى و رقم 13 ريحته على فانيلا و رقم 14 ريحته سويت وفواكه اكثر حبيتهم وتقيمي لهم 8 من 10 بجرب انواع ثانيه من عندهم


مشترياتي من سنتر بوينت ماركة Adore:

- رقم 16 برش تو سايدز للكونسيلرز حلو حبيته وشعره ناعم مو خشن تقيمي 8 من 10


وبس انتهى الموضوع سوري اذا كان طويل لكن حبيت اعطيكم كل شي بالتفاصيل وسوري اذا ما ذكرت اسعار كل شغله لا ما اذكرهم :( بس البودي ميست من باث اند بودي الحين بفتره السيل الواحد ب 2 د.ك فرصه ما تطوف يعني تشترين 2 بسعر واحد بالايام العاديه

اكيد بتكون لي مواضيع يديده بنات بصراحة افكر اسويلي بلوق عن البيوتي كير والميك اب والستايلينغ ماادري شرايكم ؟؟ وهم قناة باليوتيوب بش شوي خايفه من ردود فعل الناس في وايد قنوات اجنبيه بس ماكو عربيه وايد وتحديدا خليجيه شرايكم تنصحوني فيه او لا ؟

ان شاءالله مواضيعي تعجبكم وقريب بتكون لي مواضيع جديده اكثر واكثر

الي يدشون الموضوع اقل شي تقديراً للمجهود تتركون كلمة شكر لان كلش مو حلوه الواحد يدش يستفيد ويطلع ولا يقول شي ابي الفيوز تكون نفس عدد الردود

احبكم في الله

تـ ح ـيـاتـي