قصيده رائعه لـ الشاعر سعد الحريص

ـــــــــــــــــــــــــ ـــــــــ
العذر مكتوب
ـــــــــــــــــــــــــ ـــــــــ

العذر مكتوب لاصـار الخطـى مقـري
اسف على ضحكتي اسف على احزانـي
خطـاي معـذور والا غلطتـي عـذري
ومرارة العـذر فـي قلبـي وبلسانـي
مدرى وش اللى ذكرته وضاق به صدري
مدرى وش اللـي نسيـت ولاتناسانـي
لبست انا ثـوب لا طولـي ولا قصـري
يا طيبة القلب .. وين القلـب ودانـي.؟
سنتين من عمرها مرت ومـن عمـري
سنتيـن احـس الزمـن فيهـا تعدانـي
سنتين مرت حياتـي مـن ورا ظهـري
والحب سجنـي ومسجونـي وسجانـي
والشعر مطرود من قلبي ومـن فكـري
سنتين ماني بأنـا مانـي بحـد ثانـي
غنيت للنـاس والدنيـا علـى خبـري
والشعر في دفتـري مغـرور وانسانـي
غنيـت للحـب يـوم عيونهـا تغـري
يـوم الوفـا والكـلام الطيـب ألحانـي
غنيـت للدمـع يـوم أن البكـا كبـري
واليوم أنا اكبر من دموعـي وحرمانـي
اليوم ماعاد يمدي اللـي جـرح يبـري
مليت من كثـرة خطاياهـم وغفرانـي
مليت أنا الشعر مل الشعر من شعـري
مليت انا الحـب مـل الحـب وجدانـي
ليه أنكسر بالعيوةن اللي تبـي كسـري
ليـه اتغـرب ورا حزنـي وكتمـانـي
العيـن ماتستحـي والوجـه مايـذري
ماعاد يجزي هل المعـروف بإحسانـي
لو هي عليّه عزيز النفس من صغـري
ما أشاور القلب فـي كرهـي لعدوانـي
إن رحت ياكثرهـم وإن جيـت ياكثـري
ضاقت بي عيونهم لـو كنـت وحدانـي
تعبت وازريت .. ما مليت مـن صبـري
ليت الذي راح منـي كثـر مـا جانـي
أحيان ودي أطيـح مـن التعـب وازري
وتشيلنـي عزتـي وسلـوم جدانـي..

الشاعر الكبير : سعد الحريص

وتحياتي منقول