عنايتي بشعري بسيطه وروعــــــــه

السلام عليكم ورحمه الله وبركاته
بما أن (سر جمال المرأة في شعرها)
ثانيا تضامنا مع أخواتي المقبلات على الزواج ويعانين من التساقط والتقصف والبهتان ومشغول بالهن من هالناحيه حبيت افيدهن بعنايتي الشخصيه لشعري والحمد لله لي الآن 3سنوات ماغيرت في عنايتي شي وشعري ما شاء الله تبارك الله حلو ماكو تقصف ولا تساقط ولاشي وثقيل ومرتااااحه جدا جدا على هالنظام اللي ماشيه عليه
ومن تجارب قريباتي اللي يعانون من تساقط قوي حيل (والله اذا اشوف شعرها وهي تسرحه تجيني دوخه من هول المنظر وتعليقي عليها (شنو بقى من شعرك اذا كل هذا نازل) ومن جربو هالنظام خف التساقط وطال الشعر وبدى يكثر
والأهم من هذا كله انه يطول الشعر هذا كله بخليط الزيت بنفس المقدار:
1-زيت دابر املا كبير
2-زيت جوز الهند -أي نوع بس انا استخدم شركه (مملكه العسل والنحل ) بالصيدليه
3-زيت الخروع -اي نوع بس استخدم (مملكه العسل والنحل )بالصيدليه
4-زيت عافيه (تبع الطبخ)
5-ثوم طازج مقطع شرائح6 فصوص
(اجمعهم مع بعض واخليهم بالشمس لمده اسبوع او 10 أيام ثم اصفي الزيت من الثوم واحفظه بعلبه وبس استخدمه عادي موشرط يوميا لا عادي انا استخدمه 1 بالأسبوع فقط واتركه على الشعر يوم كامل واغسله بالشامبو اللي مناسبني واجد (صانسيلك الأصفر) ثم بعد الغسيل استخدم كريم حمام زيت فاشكول بالثوم واخليه على الشعر 15 دقيقه ثم اغسله عدل )
وختاما الله يوفق الجميع