ان شاء الله محد بيحل مشكلتي غيركم

مساء الخير بنات
هذي اول شاركه لي حبيت تساعدوني لان احس اني ضايعه وكل واحد يقولي حل ومو عارفه شسوي
بس بلييز ماله داعي حجي يضايق اللي عندها حل تقووله لان وانا افتر بالمشاركات اشوف ردود تضايق
ببدي بمشكلتي
انا لي بنت خاله مع بعض وايد اهي اكبر مني بعشر سنوات حبت واحد معاها بمعهد بس على اساس انها اكبر منه بسنه ..... تمو مع بعض 3 سنوات قال لاهله بخطبها اهله ماوفقو بعد محاولات وعلى اساس اكبر منه بسنه عبالهم قاصه عليه وتركو بعض بنت خالتي تزوجت واحد بس ملجه وتطلقت منه لان ماكان زين بعدها بجم سنه دق عليها اللي اتعرفه وقالها اني تزوجت اخنقتها العبره بنت خالتي واهو قام يبجي وطبعا انا كنت معاهم يعني كنت صغيره وكان يعرفني وساعات يكلمني وبعدها قام يكلمني يقولي عن مشاكل مرته وكنت اردهم لبعض وكان يحاول وماكو فايده (يعني الغلط من مرته) وكان يكلم بنت خالتي وكان اييب سيرتي بوقتها بنت خالتي متحجين عليها ناس بيخطبونها ......
ومره سال بنت خالتي لو يا اهو وخطبني بوافق انا بس قلت لا ومستحيل وماراح اقدر خصوصا بينهم كانت مشاعر وحب من باب الغشمره
المهم بعد فتره تزوجت بنت خالتي وعايشه ابيتها وتدري ان بيني وبين اللي تعرفه واتس اب لان هو مره ياب بضاعه وانا مشيتها له يعني بينا بزنس مو اكثر وخواتي الكبار يعرفونه ويدروون لان اهو جدا محترم مع الشغل اهو انعجب فيني وصارحني باعجابه وقالي بخطبج وانا رفضت فقالي ابي اصارحج يوم حبيت بنت خالتج اهي اكبر مني ب6 سنوات وانا اضطريت اقص عليها لاني كنت توني صغير وابي اتعلق باي وحده وخفت تتركني فلو يا وخطبها واهي اكبر منه مستحييل تاخذه لان اهلنا ماراح يوافقووون
وقالي لاتربطين حياتج فيها قلت له اهي حييل وياي مااقدر قالي اهي راحت بحال سبيلها وتزوجت انا ابي استقر قلت لاختي اللي الكبيره قالت لما تستقر حياة بنت خالتي وتحمل صارلها 5 اشهر من تزوجت وقالت خل ايي يمكن نصيب وناس تقووولي لا مايصير وناس تقولي يمكن مو نصيبها نصييبج وفي واحد يحبني وانا احبه صارلنا سنه ونص انا اكبر منه باشهر حيل شاريني بس امه صعبه وماتبيني لولدها واهو متمسك فيني وللحين ماتوظف ناطرين يتوظف عشان يخطبني واهلي يدرون عنه لان كلم اخووي بس الرفض من اهله علي وعذرهم ماتشتغل الحين محتاره اشوف عقلي ولا قلبي .............. الحين مع اللي يعرف بنت خالتي صارلنا نعرفه 7سنوات يعني عدل يعرفنا
ياليت تساعدوني محد قادر يفهمني وياليت انتو تساعدوني بطريقه حلوه وماكو تجريح لاني سمعت اهني قلوبكم على بعض وياليت قلبكم علي :(