اسباب تدهور الاتحاد بالادلة والبراهين

<div>بسم الله الرحمن الرحيم

انا كتبت كذا مرة عن سبب تدهور الاتحاد لكن محد مصدقني وارجع اكتب لكم للمرة الميلون

ان السبب الرئيسي هوة اللاعبين انفسهم يعني اللاعبين مو مخلصين للشعار اللي يلبسونه

1 /في ناس تقولك لا الادارة هي السبب !

الادارة وفرت كل ما يمكن توفيره للاعبين وبشهادة الاعداء كمان ولكم في الطائرات الخاصة خير مثال
وحتى لو افترضنا ان الادارة قصرت مع اللاعبين وفي رواتب متاخرة ؟ هل يحق للاعبين تشويه سمعة الكيان امام العالم وخذلان الجماهير الاتحادية ؟
راح اسالكم بصيغة ثانية علشان اوضح الفكرة
هل يحق لموظف يعمل بشركة خاصة ان ان يخون الشركة ويتلاعب بمعاملات المراجعين في حال تاخرت رواتبه ام من المفترض ان يقدم استقالته ويقدم شكوى على الشركة ؟

ايش ذنب الرئيس اذا كانوا اللاعبين ما يسمعو كلامه ؟
اللاعبين لهم 10 سنين في النادي يعني يعرفو كل صغيرة وكبيرة في النادي ومسيطرين على الوضع وعندهم شعبية كبيرة ! كيف تبغو من رئيس توه جاي انه يتحكم عليهم ؟


2 / في ناس تقولك المدرب هوه السبب
طيب اذا كان المدرب هوة السبب ليش كالديرون وصل الاتحاد الى نهائي دوري ابطال اسيا 2009 وما قدر يوصل الهلال لنفس المرحلة ؟ اذن المشكلة مو في المدربين المشكلة في اللاعبين لانهم هم اللي يرفعو من اسهم المدرب مو المدرب يرفع من اسهم الفريق
لان مهما جبت مدرب عالمي وصارم وقوي الشخصية يمكن اللاعبين ما يسمعو كلامه وما يطبقو كلامه في الملعب يعني يقدمو اذاء عالي في التدريبات ويخذلوه في المبارايات الرسمية هل هذا معناته ان المدرب سباك ؟


3 / في ناس تقولك الجماهير هي السبب :
ليش مين اللي جالس يلعب في الملعب اللاعبين ولا الجماهير ؟
لو افترضنا جدلا ان اللاعبين يحبون الجماهير ليش لما يقرب ينتهي عقودهم يطلعو في الاعلام ويقولو ان عندنا عرض من الهلال ؟ وين راح حبهم للجماهير ؟ معناته هم يحبون الفلوس ما يحبون الجماهير والمشكلة الكبرى انهم يساومو النادي عيني عينك !
لو افترضنا ان فعلا عندهم عروض يروحو يكلمو ادارة النادي مو يطلعو في الاعلام ويحرضو الجماهير على الادارة ويضغطو على الادارة انها تجدد لهم عن طريق الجماهير !


4 / في ناس تقولك ابتعاد العضو الداعم هية المشكلة :
ايش هيه وظيفة الداعم في النادي ؟ يدفع الملايين صح ؟ طيب لو ابتعد وما دفع هل اجسام اللاعبين راح تتوقف عن العمل تلقائيا ؟ زي ثلاجة البيبسي ما تعطيك الين لما تعطيها فلوس


5 / في ناس تقولك ان الاجانب هم السبب وانهم مو على مستوي عالي :
ماشاء الله احنا في عام 2009 لما وصلنا نهائي اسيا كان عندنا انيستا وتشافي وبيكيه والفيش

وصلنا نهائي اسيا وكان عندنا اجانب ابو ريالين عماد متعب ( ابو ريالين )لعب نص الموسم واصيب وما كمل معانا وهشام بو شروان ( ابو 3 ريال ) واحمد حديد ب 4 ريال ولوسيانو بريال يعني 4 لاعبين بعشرة ريال ورغم هذا كله وصلنا لنهائي اسيا اذن المشكلة مو في الاجانب


المشكلة في اللاعبين المحليين اللي لهم 10 سنين مع بعض يسقطو ادارات ويجيبو ادارات يسقطو مدربين ويجيبو مدربين

ابغى اسالكم سؤال ، هل فعلا الاتحاد عاجز فنيا عن الفوز على الفتح وعلى التعاون ؟

هل اللاعبين قدمو كل ما لديهم في الملعب ؟

هل هناك شخص في النادي يجرؤ ويعلق على كلام عاصم في خط الستة ؟

هل فعلا توجد فئة صامتة في النادي وتتكلم بالجولات فقط ؟


الحين عرفت ان كلام طلعت لامي صح وكلام الامير خالد بن فهد صح

اخيرا عرفت ليش استقال الاستاذ حامد البلوي

وكمان عرفت مين اللي قتل جون كينيدي

اهئ اهئ اهئ اهئ اهئ اهئ اهئ اهئ