فسرولي جزاكم الله خيررر

السلام عليكم ورحمة الله وبركاته..

انا عندي ثلاث احلام احس لهن علاقه ببعض اتمنى تفسرنهن لي جزاكن الله خير واحفكن بالله تفسرنه لي حتى لوكان مخالف اني احط اكثر من حلم انا لو ماني شايفه ان بينهن علاقه ماحطيتهن مع بعض احلفكن بالله تفسرنه لي وماتعدنه لانهن ثلاث احلام الله يجزاكن الخير والجنان راح ابدا بالاقدم..
المعلومات :
عازبه
ادرس جامعه اخر سنه
عمري 22
الحلم الاول : من ثلاث سنوات اوربع :
حلمت اني كنت ببيت اختي وكان فيه مناسبه وهي تمايم بنت اختي وكنت ارحب بالضيوف عند الباب وكان من الضيوف مرت عمي ومرت خالي دخلت زوجة عمي وورحبت فيها وكان وراها زوجة خالي وكانت تناضر نضرات غريبه وقالت لي زوجة خالي ليش مارتحبينا فينا حنا بعد قلت انتم الخير والبركه بعد ورحبت فيها ان زوجة عمي تلبسني حلق ذهب بدت باول اذن وركبت الحلق فيها وبدت بالثانيه وركبته فيها بعدها جت بنتها وقاصتها وشالت وحده من الحلقات من اذني قلت انا بقلبي شكله تبيه للبنتها الثانيه >>مو الي قاصتها وجت تحاول بالحلق الثاني بس ماقدرة شيله وقالت لي خليه عشان مايعورك وبعدها شفت كانه مستشفى ووحده من البنات الي اعرفهم منسدحه عليه وجنبها مولوده ومعها بنت عمي الكبيره وبنت عمي الاصغر>>الي قلت بقلبي انها يمكن شالت الحلق عشانها وكانن بنات يناضرني نضرات غريبه مادري حقد اوكره اوحزن بس ماكانت مريحه ونضراتهن موطيبه وبس..

الحلم الثاني قبل كم شهر ..
حلمت اني بيت خالي ا(لكبير) وكنت جالسه بالصاله مع امي وجدتي الله يرحمها ومعنا ناس يمكن بنات خالي ودخل علينا ولد خالي (الاصغر ) وكان توه محلق لحيته وجيت وقرصت خدوده وقالت الله تهبل >>بالواقع من لما كنا صغار ماشفته ومافي اي حوار ولاجراءه ببينا بحكم اننا مجتمع ملتزم>> وجدتي كانت تهاوشه على تحليقته وانا كنت اقول لا يجدى كذا احلى وودخل وجلس معنا وكان يناضرني وقالت امي والله بنتي محجوزه لولد فلان >ولدعمي< وانا كنت مستانسه ان امي تقول كذا وكنت اناضره وابتسم وكانني ابي اغيضه وقبل لا يطلع عطاني كيس فاين>حق الجيب او المخبى>> وكان مليان فيه فاين ورحت وقلت هاذا عطه جدتي وبعد كلام امي ناضرني طلع ورجعت ابي اخذ الفاين ويوم شفته الا الكيس فاضي ..وانتهى الحلم

ولما قمت من نومي سمعت امي تكلم بالتلفون ولما سكرت طلع ولد خالي الي بالحلم خاطبني وامه تكلم امي ووسمعت امي وهي تقول لزوجة خالي نفس الكلام الي قالته بالحلم وهو اني محجوزه لولد عمي ... الحلم تفسر قدام عيني بس اتمنى تفسرينه لي بالذات وجود جدتي والفاين مدري وش يعني جدتي متوفيه الله يرحمها قبل الحلم بسنوات

>>طبعا انا محجوزه لولد عمي من اربع او خمس سنين او اكثر بس كلالام
>>وزوجة خالي نفسها هي الي بالحلم الاول والثاني..
>>بعد الحلم هاذا بفتره صااارت مشاكل بيننا وبين اهل عمي ..

الحلم الثالث ...
كان فيه مناسبه بس بمكان ماعرفه والمناسبه هاذي زواج بنت خالي (الكبير) وشفت وحده من بناته حامل وبطنها كبييره وجالسه ع كرسي وتعبانه ورحت سلمت ع خالي الكبير وكنت لابسه فستان ابيض قصير >>هاذا الفستان عندي بالواقع بس مستحيل البسه قدام خالي لان له احترامه وهيبته وكان شعري مفرود وطويل وناعم وحلوو وله >>انا بالواقع شعري طويل بس مو بجماله الي بالحلم وسلمت ع خالي وابي ابوس راسه احتراما له بس ماقدرت لانه بالحلم كااان طوويل ةانا اقررر من الحقيقه وقلت له نزل راسك ابي احب راسك قال وهو يضحك هالراس ماينزل الا للي خلقه
قلت له بس ينزل لي وكان يضحك ونزل راسه وبسته وقال هالبنت متى كبرت >>يحسبني بنت اختي الصغيره قلت انا بنت فلانه>اخته الي هي امي>>خالي الكبير خطبني مرتين لعياله بس رديناهم اول مره كنت صغيره باول ثنوي والمره الثاني اني محجوزه لولد عمي
>>مافيه مشاكل بيننا وبين خالي الحمدالله
>>خالي له احتراامه وهبيته وبالواقع استحي اجلس معه واسولف واضحك ووبالواقع تصرفاتي الي بالحلم ماااسويها قدامه..
>>الحلم هاذا حلمته وقمت 6 الصبح..

اتمنى ان تفسرولي احلامي واحلفكن بالله لالاهاوونن بها لانها ثلاثه واحلفكن بالله الي فيها تقولنه لاتخفن شي انا مؤمنه بالله وش ماكان بالحلم قولنه لي جزاكن الله خير...