•• تسألين نفسك ليش ما تزوجتي ؟ تبين تتزوجين ؟ تعالي ••

السلام عليكم ورحمة الله وبركاته


أول ما نبدأ به هو ذكر الله فلا إله إلا الله وثاني ما نبدأ به هو الصلاة على النبي اللهم صلي وسلم عليه
أما بعد ,,

شلونكم خواتي ؟ إن شاء الله تمام ؟ :eh_s(17):
عسى دوم يارب فبداية كلامي لكن أنا مو مطوعة ولا أنا اللي حابه أطرح ندوة دينية قصدي فيها الرياء
إنما والله مابي غير أني اعمل على مبدأ واحد ( حب لنفسك مثل ما تحب لغيرك ) فالكلام اللي بقوله
لكن في هذا الموضوع نابع من أختك والله العظيم أني بهاللحظة وأنا أكتبه ما أتخيل إلا مجموعة بنات من سني مثل خواتي متجمعات روسنا على بعض بس ما نبي نحش ! لأ :D نبي نشور على بعضنا أمور تنفعنا
وتجيرنا في مشكلتنا ^^


ندخل في الموضوع عمرك فوق 23 وبديتي تفكرين بالعنوسة ؟ خايفة منها ؟ :eh_s(4):
كل ما يتكلم احد عنك تفوت فترة ولا يجي ؟ تروحين كل مكان وينجنون على جمالك ولا يخطبون ؟ :eh_s(10):
اللي يخطبونك ما يناسبونك وما جاك واحد زين ؟ مالك ولا طلعة ولا روحه عشان جذي بعمرك ما أنخطبتي ؟
عندك خوات أو عمات أو خالات مو متزوجات وكبروا بالعمر ؟ تبين تتزوجين واحد ذو خلق وخُلق ومنتي محصله ؟
خايفه ينسرق منك عمرك ولا انتي حاسه وأخرها تأخذين واحد مرغمه عشان خايفة من نظرات الناس وحريم اخوانج وحريم عمامك وخوالك ؟

تتسائلين ليه ياربي ما تزوجت للحين ؟ اللي أغلب البنات سألوه لأنفسهم
تقولين ياربي شسوي عشان أتزوج ؟ و وصيتي خويتك تذكرك عند فلانة وعلانة ورزيتي عمرك بكل مناسبة :ggdw:
وفوق هذا كله ولا جأ نصيب ؟ تبين تعرفين السبب ؟ تبين تتزوجين ؟
هاتوا معاي يا بنات ورقة وقلم واللاب طبعاً بجنبك ولا أفتحي تكست باللاب ونبدأ نحاسبك من أول مراهقتك ليومنا هذا ! :)
أي محاسبة ولازم ننظر للموضوع من كل جهة وهذه هي الجهة الأولى أو الخطوة الأولى وهي


• المحاسبة أو النخالة أو نخالة ما تحت الصفر
بلغتنا العامية وطيشنا ( ياربي شنو سويت عشان جذي \ كذا أنحرم)



1- أول ما بلغتي كنت تصومين أول بأول ؟ أيامك القضاء قضيتيها كلها ؟
هاه ؟ ما جأ رمضان وكان عليك قضاء وجأ رمضان اللي بعده ولا صمتيه وكنتي صغيرة بعمر 14 او 13 ؟؟
2- صلاتك , من بلغتي بديتي تصلين ولا طوفتي بيوم صلاة المغرب والعشاء لأنج جايه من المدرسة ونمتي المغرب ولا قعدتي لثاني يوم ؟
3- أمم أيام المدرسةحلوة مو ؟ ما جأ يوم حطيتي على بنت سالفة عشان تخلصين نفسج من توريطه ؟:D
ما حشيتي بوحده كل الوقت أو عيبتي على وحده كان لبسها مش ولا بد ولا في شيء بوجهها ؟
قال تعالى: وَلا يَغْتَبْ بَعْضُكُمْ بَعْضاً
4- حلوة الكشخة أنا أشهد أنها حلوة ومو كل بنت تكشخ قصدها ألفات نظر لكن ما طلعتي مرا السوق وكنتي حاطه عطر ؟ لا لا مو قصد كنتي حاطته بعباتك لما رحتي عرس ولا غسليتها ولبسيتها بالسوق
ما لبستي كعب وقام يطقطق بالسوق ؟
قال رسول الله صلي الله عليه وسلم "أيما امرأة استعطرت ثمّ خرجت، فمرت على قوم ليجدوا ريحها فهي زانية، وكل عين زانية"
5- منقبة ؟ اللهم لك الحمد الله يتمم على جميع بنات المسلمين ^^ ما عمرك حطيتي كحل و عدسات وشافوك ناس مو محارمك ؟ حواجبك جاينيز ؟ :d عراض هاه وجاينيز وأكثر من شخص ألتفت يطالع حواجبك ؟
6- تلفونك بي بي ولا أيفون ان شاء الله تكسرينه بالعافية لكن شنو نغمة جوالك - تلفونج ؟
شنو نوع الصور اللي فيه ؟ الأستديو مافيه فيديوكليبات ؟ مافيه أغاني توصل لـ100 بالتلفون ؟
7- حبيتي واحد ممثل مغني لاعب او حتى ولد عمك ولد خالك أحم ولد جيرانكم واحد ما ادري ؟
8- طلعتي من الثانوية او الجامعة نصها غش ؟ لا لا بس مقرر او ماده وحده نجحت فيها غش ؟
9- تقولين أدعية ؟ أذكار النوم ؟ أذكار الصباح ؟
10 - منذ مبطي ما زرتي أجدادك وأقرباءك ؟
11- كم مره طلعتي كاشخه ولا قريتي ادعية , كم مره نجحتي وجبتي نسبة عاليه ولا رقيتي نفسج ؟

أبحثي أبحثي بعد بحياتك عن أخطائك الدقيقة اللي يمكن منتي منتبه لها ولا أصلاً تشوفينها حرام أو إنها غلط , أبحثي عن الأمور اللي تكون سبب في عدم زواجك ..

إن شاء الله اللسته اللي طلعت معاج مهي طويلة ؟ :D
تدرون إن وحده بس من هذه الأشياء كفيلة بإنها تمنع رزقك ؟ :)

عن ثوبانَ مولَى رسولِ الله - صلَّى الله عليه وسلَّم - قال: قال رسولُ الله - صلَّى الله عليه وسلَّم -: (لا يَزيد في العُمْر إلا البِر، ولا يردُّ القدَرَ إلاَّ الدُّعاء، وإنَّ الرجل ليُحرم الرِّزقَ بالذنب يُصيبه).
إنَّ الرَّجلَ ليُحرم الرِّزقَ بالذنبِ يُصيبُهُ
إنَّ الرَّجلَ ليُحرم الرِّزقَ بالذنبِ يُصيبُهُ
إنَّ الرَّجلَ ليُحرم الرِّزقَ بالذنبِ يُصيبُهُ

عرفتي ليش سألوا عنج وما جوا خطبوا ؟ عرفتي ليه رغم جمالك ما جاك من ترضينه ؟
عرفتي ليه كل ما تنخطبين تتفركش ؟
الحل :

1- تشوفين كل خطأ سويتيه تستغفرين عنه وتتوبين عنه ولا تسوينه
2- أيام القضاء أحسبيها وصوميها مع كفارة او صدقة
3- الحش أستغفري عن كل وحده حشيتي فيها أو أستغفري بشكل عام عن كل وحده حشيتي فيها غن كنتي ما عدتي تعرفين منو من كثرهم :D
4-زوري أقاربك وتأسفي إلى من غلطتي بحقه وإن ما قدرتي أستغفري عنهم
5- أستغفري عن غشك ولا ترجعين له
6- الشخص اللي تحبينه إذا ممثل اتركي المنتدى او القسم اللي فيه أخبار الممثلين وما إلخ
أما إذا كان شخص حقيقي فالله يهديج أقطعي علاقتج فيه فوراً وأمسحي كل شيء يتعلق فيه واللي يبيك يعرف شلون يأخذك بالحلال ^_^


بهذه الطريقة أنتي تخلصتي من كل ذنب وخطأ سابق يمكن يحول بينك وبين رزقك أو طلبك


• الخطوة الثانية : الإستقرار عند الصفر

بعد ما خلصتي من كل الامور العالقة في الماضي من أخطاء وذنوب تبين تستقرين عن الصفر كإنسانه مسلمة طبيعية لازم تحافظين على هالأمور :

1- الصلوات المفروضة
2- الصيام بشهر رمضان
3- ترك المحرمات من أغاني ومعازف
4- الألتزام بلبسك دون محرمات
( محد منع الكشخة وصبغ الأظافر والشعر والخواتم والكعب أبداً لكن بامكانها المحللة وبأوقاتها المحلله )
5- الإبتعاد عن سوء الحديث والغيبة
6- الإبتعاد عن العلااقات المحرمة والتكلم مع الرجال إلا من أضطرت كدكتور بالجامعة او طبيب او مراجع

بهذي الأمور تكون عند الصفر كإنسانة طبيعية مسلمة


• الخطوة الثالثة : ما فوق الصفر وموقعك من الأرقام

مسألة خلاف :

هذه الخطوة هي طريقك إلى رزقك سواء موجود أو مو موجود , بتقولون شلون ؟
اللي مانع رزقها من الامور اللي ذكرناها فإن شاء الله بينزل رزقها لها واللي أحتمال مو مكتوب لها رزق يعني باللوح المحفوظ مو مكتوب لها تتزوج أيضاً بتنفعها هذه الطريقة ولا تزعلون خواتي لأن الله كريم
وقد ذكر رسول الله صلى الله عليه وسلم (لا يَزيد في العُمْر إلا البِر، ولا يردُّ القدَرَ إلاَّ الدُّعاء، وإنَّ الرَّجلَ ليُحرم الرِّزقَ بالذنبِ يُصيبُهُ )
يعني حتى لو مو مكتوب لج رزق بدعاءك بينكتب لج أو حتى لو مكتوب لج إنج بتظلين من غير زواج الله بيمحيه ويثبت لج شيء أخر
قال الله تعالي ( لِكُلِّ أَجَلٍ كِتَابٌ * يَمْحُوا اللَّهُ مَا يَشَاءُ وَيُثْبِتُ وَعِنْدَهُ أُمُّ الْكِتَابِ ) [الرعد:38-39]
بتقولين فيه بنات تحت الصفر ولا تعرف ربها والله رزقها ؟
بقولك هذه الله يبي يصرفها عنه ويلهيها بالدنيا وخليها تشبع من دنياها والله يمدهم في طغيانهم يعمهون ويمكن حتى رزقتها بالزواج نقمة مو نعمة وتشوفينها يمكن تتعذب مع زوجها عشان بالأخر الله يبها ترجع له ويمكن حتى ما تتعذب وتزيد في طغيانها على الله لأن الله يبي يمدها في طغيانها كرهاً بها ^^
أما أنتي فالله ما كان يبي يعطيج وأنتي مو على هدى فتنصرفين عنه ويمكن حتى رزقتك ما تكون لك خير فتخسرين الدنيا و الاخرة او تكسبين الدنيا وتخسرين الاخرة فـ لأنه يحبك
يبيك تجين عنده وتنهدين لأنه يبيج تعيشين حياة كريمة بالدنيا وحياة أكرم بالأخرة ويبيك تكسبين الثنتين الدنيا والأخرة فكل ما تأخرتي أخرتي الرزق و الرزق منوط بيد الله ثم يداك ^_^