رساله الى نواب مجلس الامه

بسم الله الرحمن الرحيم

رساله اوجهها للفائزون بمقاعد مجلس الامه مو اذا فزتوا تنسون ناخبينكم وتنسون كلامكم ؟؟

وهذي رسايل اوجهها للفائزين باذن الله..!

1/نبي زياده للرواتب الحمد لله الكويت ديره خير المفروض راتب الجامعي مو اقل من 1000 دينار وراتب

الدبلوم مو اقل من 800 وراتب الثانوي مو اقل من 600 نبي زياده بالرواتب مانبي كوادر لناس وناس

نبي الكويتي مرفهه من الناحيه الماديه وشفنا الامارات شنو سوت لشعبها..!

2/نبي التعليم يتطور بشكل يفيد الطالب بدون تكدس مواد نبي المعلومه توصل للطالب بشكل سلس

وسهل نبي نشوف تخصصات متعدده ومتنوعه..!

3/قطاع السياحه قطاع مهم لكل دوله ويعتبر دخل قوي وهام للدوله فلماذا لا يكون عندنا وزاره للسياحه

نعرف انه الاجانب يحبون الصحراء نقدر نسوي دعايات اعلانيه ونجذب السياح للكويت ..

نستفيد من جزيره فيلجا وباقي الجزر شاليهات وعمل فعاليات ترفيهيه..!+تطوير الاماكن الترفيهيه..!

4/وزاره الصحه مو معقوله هذي مستشفيات الكويت متهالكه وااخطاءها الطبيه كثيره وقاتله للكثير

الى متى سنظل هكذا اضافه اهمالهم لطلبات الموظفين والمستفيدين من هالوزاره فقط الدكاتره

والصيدلانيين..!

5/مراقبه التجار وحمايه المستهلك منهم لضمان الرفاهيه المعيشيه للمواطن الكويتي..!

اعتقد اني عرضت اهم الامور ونبي كل كويتيه تعرض صوتها لعل وعسى ان يوصل صوتنا لنوابنا

الكرام