مجرد رأي من حكاية زعيم

السلام عليكم ورحمة الله وبركاتة

مساء الهلال في سماء شبكة الزعيم

قد تكون هذه اول مشاركة لي فاتمنى اطرح ماينال على استحسان من يقرأ هذا الموضوع

بداية بعد هدوء عواصف الانفعال من مباراة التعاون بداية من مستوى الهلال هذا الموسم الذي لان اكون ضد جمهور الزعيم بانفعالاته او معه فالجميع او الاغلبية يتفق على ابعاد المدرب توماس دول عن كيان الهلال مبررا بمستوى الهلال وادائه هذا الموسم .

وهناك من يطالب بابعاد اللاعبين الاجانب عن تشكيلة الزعيم لعدم انسجامهم التام مع الفريق حتى والفريق من الفرق المتصدره للدوري .

وهناك من يطالب بالطامه واسمحولي ان اقول بالطامة او الشي العظيم بابعاد صاحب السمو الامير عبدالرحمن بن مساعد فهذا الشي اتمنى ثم اتمنى من جماهير الهلال الابتعاد من هذا المنطق او هذا التفكير نعم نطالب بأي شي وليس هذا الشي فالامير برحابة صدره يتقبل جميع الامور من الجماهير والدلائل واضحه واللي موشايفها يشوف وضع الفرق الاخرى .


فانا اتفق نسبيا مع جميع المطالبات ماعدا الاخيرة وارجع واقول نسبيا .


فمن ناحية المدرب نقدر نحملة 50 بالمية لعدم منهجيه فالتكتيك واضحه لحد الان وعدم قدرته في بعض المباريات على قرائه الفرق الاخرى .


فمن ناحية اللاعبين الاجانب اعتقد الكل شاف مستوى الغزال الاشقر في بدايته مع الهلال ومطالبتنا نحن كجماهير للهلال والان نطالب بعودته فلا نكن جماهير عاطفين جدا . اعتقد الاجدر في الابعاد ايمانا لانه يتعالى على الكيان الهلالي.



اللي حاب اقولة واللي كلنا نتغاضى عنه او ماتمحورنا فيه احنا الفريق الوحيد وارجع واقول الوحيد بالمملكه يمتلك وسط سعودي الاقوى والكثير منهم او اغلبهم دولين ومهاجمين جيدين جدا واقدر اقول بالدفاع اسامه وحراس ممتازين . يعني بهالفريق نقدر نسوي اشياء كثيره وانا اقدر اقول اننا ناخذ الدوري بدون اجانب ومابالغ بهالشي

لكن الشي اللي انا ابي اتكلم فيه هي محاسبه اللاعبين على سوء ادائهم وتراجع ادائهم واكتفائهم بالهرولة بالملعب
يعني مع احترامي للاعبين ومن حبي فيهم اشوف بعض الاحيان انهم جاين تكميلة عدد ومايذكرون في المباراة واعتقد ان المدرب وانا واثق من هالشي يعتمد فيهم بالشي الكثير . يعني وش ذنبي انا كمدرب يدخل اللاعب ويلعب بمزاجية عالية وانا اخص بالذكر احمد الفريدي والشلهوب في بعض المباريات والمميزين نواف وعزوز
انا اعتقد الاسماء هذي بس تخوف اي فريق واذا كانو في قمه مستواهم مانهاب احد .

اللي اطالب فيه الاداراة التي هي ماخذه الاحتراف منهجها على حسب مايقال منها او مانشوف منها

انها تشوف الانديه العالمية وتطبق زيها فيه مباراة لمانشستر يونايتد ونيوكاسل انهزم مانشستر يونايتد بثلاثه اهداف وتم خصم من رواتب اللاعبين اسبوع كامل وانا اقول الفريق الثالث اللي بمانشسترافضل مننا بالاحتراف والفكر يعني ليه ماخافو على لاعبينه وقالو لا اذا ماعطونا هالمباراة بنكتفي بكلمتين بين الشوطين تهزهم.

انتهى هذا الفكر الحين نعمل كمنظومه كاملة يحاسب من قصر ويكافئ من احسن في ادائه يعني وش ذنب الجماهير تبكي على فانيلة الهلال ويحملها لاعب يلعب بمزاجيه ولا يعاقب بل ننتظر له مباراه في قمه مستواه ونشيد فيه .


زي مانكافئ اللاعبين نحاسبهم على ادائهم ولو تم خصم من مرتباتهم والنظر في ادائهم كل مباراه انا اعتقد انهم راح يتغيرون كثير .

واللي يقول خل اللاعب في الاحتياط ياخي انا مستعد اقعد ست سنوات في الاحتياط بس عطني مليون كل سنه هذا اذا مو اكثر وشامل المكافئات فلنكون واقعين وليس عاطفيين . نحاسب الكل ولانكون مثل الجميع شماعتنا المدرب واللاعب السعودي من جحر في دحديره ..


اسف ع الاطاله

لكن كلام في صدري بغيت اقوله

تحياتي لكم