آفكار للمخيمات والبر

السلآم عليككم دولتي الشقيقة الكويت

وياهلا وسهلا باهلي وربعي

امممم حبيت انزالموضوع هذا

لان كثير يستفسر عن هالاشياء

وخصوصا الوقت هذا

اممممم

حبيت اطرح لكم جدول لمخيمنا السنة اللي طافت

توزيع الأعمال

طبعاً كانت القطة من 1500 ريال كل شخص

يعني عماني وعماتي يدفعون 1500 عن عيالهم

اولا كنا مجتمعين عن جدتي الله يحفظها بعد ما قررنا

نسووي مخيم عمي ابوثامر استلم الميزانية

وجاب كل الاغراض اللي نحتاجها لمدة اسبوع

على حسب علمي كلفت 2000 من اغراض للفطور واغراض شاي وقهوة

والغداء وشوكولاتات وبطاطسات

طبعاً هذا من ناحية الميزانية وشراء الاغراض لعمي

اما اختيار موقع المخيم فكان الاكثر خبرة بالبر هو اللي يختار الموقع

واهم شي يراعي اششياء كثيرة اهمها ماتكون ارض حجر واشجار كثيرة

ولا خالية ودرب للهوا ولا تكون مجرى لموية وامطار

اختار موقع سهل وفيه عراقيب كثيرة وقريبة لنا (نفود بالسعودي)

هذا من ناحية اختيار الموقع

بعيدين كلفوا الشباب بنصب الخيام وترتيب المخيم من الكهرباء والخيام والرواقات

والموية وعدة الطبخ من فرن وغاز وثلاجة ودولاب صغير لحفظ الاغراض من المتطفلين

طبعاً نصب الخيام احتاج لثلاث ايام و كان عددهم 6 خيام

ثلاثة للحريم مجلس وغرفة نوم وغرفة للملابس والفرش

الرياجيل اكتفوا بخيمتين وحدة للنوم وللملابس والفرش

وخيمة مجلس والاخيرة مطبخ

نجي الحين لتوزيع الطبخ

كان يوم يطبخون الرجال الغداء والحريم يسوون العشاء

ويوم الحريم يسوون العشاء والرياجيل العشاء

اما الفطور فكان مشترك اثنين من عماني يسوون الحليب والمصابيب ع الصاج

والحريم النواشف والفول والشاي والزنجبيل

القهوة والشاي الحريم يسون حقهم والرياجيل حقهم

ااما التنظيف كنا من قبل مسوي مسابقة للطفل الاكثر محافظة البيئة

كان تحفيز من جدتي وجدي عشان الاطفال يتعودون ع النظافة

الحمد لله ماشفنا مخلفات اطفالنا ابداً ماعدا الصغيرين مررره

تغشيل المواعين كان مقسم بينا وبين الخدامات حنا يالينات اللي ماتزوجن

نغسل مواعين الفطور والغداء على امي وعمتي. وبنت عمي

القهوة على مرت عمي وبنت عمتي والعشاء ع الخدامات

وترتيب الفرش وحوسة الخيام داخل كان ع الخدامات مع المساعدة

كذا نكون خلصنا من التنظيف نجي الحين لتقسيم الوقت

طبعاً جدتي تصحينا من قبل صلاة الفجر نقوم نحمي الموية ع. النار

عشان تخن لنا وطبعاً كل وحدة لاهلها مالها دخل باح يعني انا احمي الموية

لامي وخواتي وزوجة اخوي بس وبنات عماني وعماتي مثلي

الرياجيل مثل طريقتنا نتوضى ونصلي ونجلس نقرى الاذكار

عند النار لحد مانحس ان الصبح بدى يطلع يقومون الحريم يصلحون

القهوة ونجلس نتقهوى لحد الساعة 7-8 بعدين نفطر وبعد مانخلص

نخطط على اي احد ياخذنا نتمشى ونطاعس لحد مايأذن الظهر

ونرجع ننتظر الغداء نتغداء وبعد الغداء اللي ينام واللي يتمشى

واللي يسوق السيارات واللي يسولف باختصار نتوزع يأذن العصر

تبداء المسابقات والفلة لحد المغغرب يأذن نصلي ويالله جدتي يطولي ف عمرها

تستلمنا اذكار المساء ونجهز القهوة ونجلس نتقهوى ولازم مع القهوة قصة

شعبية من جدتي او عمتي الكبيرة. او زوجة عمي الكبير

واحيانا محاضرة خفيفة وحلوة وع اذان لعشاء نصلي وبعده على طول العشاء

وبعدين نجلس ونروق ع الشاي والمكسرات والبطاطسات لحد 9 بعدين اللي يبي ينام ينام

واللي بيتعلل يجلس بالوقت هذا يتسكر الكهرب ومايبقى الا نور الضوء

وياله استلمهم انا وبنت عمتي قصص رعب وابن امه ينام لحاله

وبعدها نغطي الضوء ببرميل او اي شي عشان مايطير الجمر

لا قدر الله وينتهي نومنا ع 11 او 10


لا آحد يرد للموضوع بقية