رأيكم بنات بليييز

السلام عليكم ورحمة الله وبركاته
شلونكم خواتي ممكن أبي رأيكم بنات أنا لي أخت كبيرة فيها إعاقة ذهنية بسيطة وهي أكبر خواتي من غير خواني عمرها دشت ثلاثين بس بنت أخلاقها زينة وعارفة أمور الحياة ومؤمنة بالله وقادرةعلى الزواج تقدم لها واحد أصغر منها بخمس سنين كفيف ما يشوف وأبوي موافق عليه قالنا أن الولد أخلاقه طيبة ومتفائل بالحياة وما يشتغل يعني ماعنده وظيفة ويبي بنت حلال ترعاه وتحبه طبعا عنده راتب حق الأعاقة وأن ماراح يقصر معاها وحتى أنه مأثث الشقة علشانها وبعدين كلم أبوي أختي قال الولد زين ويبي اهتمام وأنتي مناسبة له وأنتي أكبر خواتج وماتزوجتي وعاد فكري وأختي فكرت واستخارت ووافقت بس يوم ملجة شافته أول مرة تفاجأت من شكله يوم خلصت الملجة راحت بغرفتها تبكي تقولي ماتقبلت وجه وخايفه ما تكون سعيدة وياه
بنات ساعدوني أهي خايفة ما تتقبله لما تتزوجه وخايفه بعد شنو يقولون ناس عنها كنها ماصدقت على الله تزوجت وهي تحتاج حيل إلي تشجيع الولد محترم وطيب ويحب أبوي ممكن رايكم بموضوعي هذه
قلت لرفيقاتي بالدوام بالسالفة يقولون شالله حادها تتزوج شخص ماتقبلته بس بنات مو الأخلاق أهم من الشكل آسفه قرقرت وايد سامحوني أبي كلام أقولها لأختي وأشجعها أو تقولي في أحد عند معلومات عن أقاربها متزوجين ومعاقين في نفس الوقت وهل يجوز زواج بينهم سوو فحص وطلع نتيجة سليمة وقادرين على زواج على الفكرة ترا أختي تشتغل موظفة