ذبحتونا ي ادارة الهلال ..تكفون يكفي..!!!!

السلام عليكم ورحمة الله وبركاته
الحمدلله حتى ترضى ولك الحمد اذا رضيت ولك الحمد
بعد الرضى ولك الحمد ع كل حال
بدون مقدمات لأنه مرتفع ضغطي من اللي شفته
مباراة اليوم اللي شفناها بصراحه ترررفع الضغط
يعني ماتوقعت آبدآ ان الحال يوصل كذآ من المستوى
والنتايج الرديه ونتعادل مع فريق ضعييف..!!
وش قمة الهستره هذي ي لاعبين الهلال انتم ومدربكم المعفن
انا مادري ليش مستغربه ان الاداره كلها للحين منشبه دول بحلوقنا
ومو معقوله مايشوفون عيوبه لايكون حنا نشوفه بعين وهم بعين.!
مدرب سيئ جدآ وحتى مايستاهل يدرب نادي زي الهلال..!
من بعد العالميين كوزمين وجيريتس تجيبون لنا واحد رخيص .!
ضآقت يعني ي ادارة الهلال مالقيتوا غير هالسباك اللي مايدري وين الله حاطه
هذا قاعد يخبص ويحوس ويشوه سمعة الهلال ويمشي .!
عبدالرحمن بن مساعد :smilie47:
انت قلت لنا بمناسبه سآبقه قلت اصبروا علينا لين ينآير وبعدين احكموآ
وهذآ ينآير جاء والهلال هو الهلال نفسه بلا هويه ولا روح [قممة المهزله]
احنا صبرنا عليكم وماحصل تتغيرون وماكأنكم أنتم ادارة العام واللي قبله..!
وانا مالوم الجماهير اللي رمت الجزم وعلب المويه لأنهم جو وتعبوا
عشآن يآزرونكم ويدعمونكم وتحملوا البرد لسواد عيونكم
ومع كذآ بدون احساس منكم ماتحترقون مثل مانحترق حنا عشآنكم :mad:
حتى انا بغيت اكسر التلفزيون من الضغط والقهر
يكفي المهزله ي الاداره..يكفي انكم جبتوا لنا الضغط والسكر..
يكفي اننا نحترق عشانكم ونصبر لعيونكم..اتمنى تقدروننا مثل مانقدركم
ودول ذآ سآحر يسحركم بكلامه يسوي يعنني فآهم بكل شي
وهو اصلا لعآب همه بس ياخذ فلوسه ع قلة سنعه
اطردوووووووووه يرحم لي والديكم جيبوا لنا قيريتس او شبيهه
قسم بالله ملينا كل شوي نقول المباراة الجايه احسن وتطلع هي اردى من الاولى وقمه بالاستهتار :mad:
ارحموآ أعصآبنا وحتى بكل مباراة يرتفع القولون عندي وشيبتوا برآسي
بإختصآر لكلامي ذآ كله :-
أنتم ي ادارة الهلال تاج ع رآسي ونحبكم اكثر من نحب انفسنا
ونتمنى انكم تستمرون لسنوات كثييييرهـ
بس دول ذآ يجبرنا ع اكل البنادول اطردوه وريحوا اعصابنا

وحسبي الله ع من كان السبب في تردي الهلال
وعلى الحكم الظالم الخايس
آلله يصبرنا ويجبر عزآنآ اذا كان الهلال بيستمر ع نفس المود :cry:
واعذروني ع الاطاله .!