كفاك مكابرة يا بن مساعد وكفاك مثالية ! الدفاع مصيبة

سلام عليكم



بدون أي كلام مُصْطَنع بالموضوع وبدون أي تكلفة .!
بل بكلام مختصر جداً جداً جداً .

ماراح أتكلّم عن المستوى الفنّي أبداً .
راح أتكلّم عن المدرب والدفاع طال عمرك .
وماراح أتكلّم عن الإدارة وعن سامي الجابر اللي مهزل بالفريق
قدّام العالم في سبيل أنه يكون مدرّب !

وليعلم الجميع أني كتبت هالموضوع مو علشان المباراة هذي ..
أنا راح أكتبه سواءً بهالمباراة ولا غيرها !



هل تتوقع يابن مساعد أن دول للآن مقنع ؟
إذا كان نعم فـ هذه مصيبة .. وإذا كان لا فالمصيبة أعظم .
ليه المكابرة والتمسّك بدول وهو قاعد يقود الفريق بمستويات سيئة ؟
حتى لو فزنا بالدوري حتى لو فزنا بولي العهد والله مدرّب ماعنده
أبجديات التدريب .. والكل يعرف .!


بالنسبة لدّفاع ياسمو الأمير .
من العام الماضي وحنّا نطالب بالتّغيير ..
فـ إذا كان سعد المدافعين بالفرق الأخرى غالي .. هل نبقى كما نحن ؟
وهل نتعاقد مع محترفين بالملايين ولا نتعاقد مع محلّيّين .؟
ياسمو الأمير والله تعبنا من هالفريق والله تعبنا . !


وخذها منّي طال عمرك :


أسلوب الإستخفاف بالجماهير والله ماراح ينفع أبد .. خلاص الكل يعرف وين المشكلة .
و مادام الزوري ونامي والمرشدي موجودين .. والله وبالله وتالله ماراح ننافس ع أي بطولة !
حتى بطولة نيدو ماراح نشمّها طال عمرك .

وإذا كنت ورى الآسيويه لما تحصّلها .. فـ أشتغل وجب مدافعين وأمّن الدفاع
بعدين روح تعاقد مع مهاجمين باهظين السعر !



أعجبتني تويتة كتبها أحد المغرّدين :

يبدو أن عبدالرحمن بن مساعد وطاقمه لا يعرفون بأن سقف مطالبات الجمهور الهلالي سيرتفع من إقالة دول إلى إقالة الإدارة ..





ودّي :rose: