~~~::: كيف بدأت أناقة نوال الزغبي من الألف إلى الياء؟ :::~~~

مرحبا..
نوال الزغبي فنانتي المفضلة >>> حلفي؟ :krkrkr:
نوال من مواليد 1974 وهي من برج السرطان

فرجاءً مانبي كل وحدة تألف عمر من كيفها لأن أنا عندي الخبر اليقين ومتأكدة مليون بالــ%

بدت نوال مشوارها الفني سنة 89 من خلال حفلات بمطاعم يعني بداية كل فنان جذي منتزهات

ومطاعم.. نفس هذيل الي بالبداية اييبونهم يغنون بالمدينة الترفيهية والخيران ومحد يلقيهم فيس ههههههه

لكن بداية مشوارها الفعلي سنة 92 مع ألبوم (( وحياتي عندك ))


http://img30.imageshack.us/img30/4016/na001p.jpg

لاحظوا اناقة نوال وهي عمرها 18 سنة، بالنسبة حق عمرها وكشختها، ما كان فيه أحد يصك عليها وكونها مو معروفة ومحد يدري عنها كونها فنانة مبتدئة أنذاك وصغيرة بس فيها شي مميز.. يهبل الكشكش الأصفر ههههههه اتوقع لو تلبسه الحين جان على طول ينقدون عليها..




http://2.bp.blogspot.com/_XX_VQsVuz-...A4/s320/46.jpg

سنة 92 صار عمرها 19 سنة ونزلت الألبوم الي الناس عرفوها أكثر " عايزة الرد " هني أقدر أقول

ان انعرفت نوال الزغبي منو وشنو.. وبدت مع مشوار الأناقة مالها... طبيعي بيكون شكلها غير

ومتينة شوي لا تنسون عمرها 19.. واعتقد كل بنت مرت بتغييرات جسدية مو بس نوال

يعني وايد كانوا متان وضعفوا، نوال هني نفس ما اهي بس كانت متينة وما اعتقد هالشي

غريب أو عجيب او معجزة!!! عادي... عاد هالغلاف تهبل اكسسوارتها ذويقة بنت الايه من الصغر

ولو نلاحظ أغلفة الألبومات للفنانات سنة 92 بنلاحظ انهم (( لوعة )) ومافي فكرة ولا شي..


http://img19.imageshack.us/img19/1122/2v8if12.jpg

سنة 95 نزل ألبومها " بلاقيه في زماني" هني نوال عمرها 22 سنة والناس حبت نوال

وميزوا صوتها أكثر وصاروا ينطرونها مناطر.. نوال هني لاحظوا انها ضعفت ولاحظوا انها

بسنة 93 والي بعدها 94 ما نزلت ألبومات يعني غابت سنتين ونزلت هذا.. طبعاً هالتساريح بال

تسعينات عليها دوس

نوال كانت بوقتها أنيقة.. مع غلاف البومها القبلي كان أحلى من هذا..


http://img385.imageshack.us/img385/6272/82054978vq3.jpg


سنة 97 نوال صار عمرها 24 سنة ونزلت ألبوم ( حبيت يا ليل ) بعد توقف دام سنة عن البومها الي قبله نوال هني حبوها الناس أكثر من كليباتها.. غريب الراي وولابيهمني الي يكون لها أكثر من نسخة.. نوال هني ضعفت أكثر وصارت تهتم بنفسها حييييل وصارت أيقونة الجمال وهالشي واضح كان من كليباتها..



http://1.bp.blogspot.com/_XX_VQsVuz-...4/s320/111.jpg

خامس ألبوم: ماندم عليك 1998 صار عمرها 25 سنة

تسريحة نوال الزغبي بهالألبوم نالت شهره لدرجه ان كل وحدة تروح صالون تقول ابي تسريحة نوال الزغبي

بنهاية 98 نوال حملت وولدت وهالشي بين عليها من كليب "قلبي دق " لما شفناها وارمة :ggdw:

فديتهم الوارمين والله.. وكان وحتي وهي حامل تهبل. ونوال مرة صرحت تقول أنا لما أكون حامل

بطني تكون صغيرة... مو نفسنا سبعين مليون شغلة وارمة فينا لما نحمل ههههههههههههه


http://diabloader.diabcenter.com/ima...ncqt7vf4d4.jpg

سنة 99 نوال صار عمرها 26 سنة نوال هني من بعد الولادة صار وزنها ثابت لا زاد ولا نقص

صار جسمها اهو اهو لحد يومكم هذا.. هني طبعا كان ستايل النظارات الطبية بو اطار الي رجعت

موضته حاليًا وطبعا ما ننسى كليب الدلعونا مالها كاااانت قمر وكل لوك احلى من الثاني


http://img10.imageshack.us/img10/208...1145643ne5.jpg

سنة 2000 وبداية الألفية صار عمر نونة 27 سنة

نوال نزلت ألبوم الليالي الي كان من أنجح الألبومات

وكليبها كان روعة وكل لوك أحلي من الثاني.. وحتى التساريح محد كان يقلدها فيهم

وبالعكس وبعد جم سنة من هالألبوم لاحظنا الكل مشى على خطاها مثل جوانا ملاح وديانا

نوال في هالسنة كانت أول فنانة بالعالم العربي تسجل عقد مع شركة بيبسي العالمية وصورت معاهم اعلانات..

بعدها عاد سجلوا باجي الفنانات عقد بس نوال كانت المتسيدة وقتها ومحد كان يمها وسوت اعلانات بيبسي تهبببل كل وحدة احلى من الثانية وكل لوك أروع من الي قبلها..


http://download.create.zain.com/Imag...3c_300x300.jpg

سنة 2001 صار عمر نوال 28 سنة

طلت النجمة الذهبية أو اللقب الي اطلقوه معجبينها في ألبوم أروع من الروعة

كان ستيل مختلف ويديد على نوال من جميع النواحي وهو " طول عمري "

البني: أحلى لوك لها وشعرها ونظاراتها ومكياجها وكلووووو نوال في نهاية 2001

نوال الزغبي حملت بالتوأم وولدتهم على نص 2002


========

لاحظوا لحد الحين انا ما تكلمت عن التجميل بعد أوكي، لأن كل الصور الي فوق كانت اهي نوال

كما عهدناها بدون تجميل...

=======

http://a.imageshack.us/img21/2600/0001tp4.jpg


سنة 2002 نوال صار عمرها 29 سنة رجعت بأغنية ابداع من كلمات ولحن واداء وكليب

البومها " الي اتمنيته "

الشعر البلاتيني مع الخصل السود
واللبس الجلد روووووووووووعه

اتمنى نوال ترجع لللوك هذا بس اعرفها ما ترجع تسوي لوك سوته قبل اهي طبعها جذي تجدد

حتى لو كان اللوك ناجح.. نوال هني لما طلت علينا شفناها متغيرة شوي... شنو الي تغير فيها؟

http://www.maziktak.com/im/P1/Nawal-...st-Hits_00.jpg

شفايفها .......... وبس

حطت مادة تكبر فيها شفايفها.. وقتها اهي ماكان عندها مشكلة تقول بس طليقها حاليا وريلها سابقا

منعها تقول.. كانت نفسها نوال الزغبي بس مع شفايف أكبر.. لاحظوا شفايفها فوق مع

ألبوم " طول عمري " بتلاحظون انها كبار وغير جذي مافي أي تغييير كلش.. ومع هذا كانت

حلوة وقمر وروعة..


http://img126.imageshack.us/img126/898/3177da6.jpg


في عام 2004 وبعد توقف دام ( سنة كاملة ) بسبب المرض رجعت نوال الزغبي

بألبوم " عينيك كدابين " وهني نوال عمرها 31 سنة.. هالألبوم يعتبر القنبلة الذرية

حق نوال الزغبي وهو الي فازت فيه أكثر من جائزة ويعتبر من أقوى البوماتها

نوال هني تغير شكلها وحسيانها مو نوال الي نعرفها قبل، ايام اللي اتمنيته وطول عمري والليالي..

والسبب انها في سنة ( 2003 ) نزعت المادة الي حقنت فيها شفايفها سنة ( 2002 )

والمسكينة المادة الي شالتها اثرت عليها وشوهت شفايفها واثر على شكلها

وصارت جذي:

http://www.melody4arab.com/music/leb...nek_Kadben.jpg

حلوة وقمر ما أقول لأ.. بس مو نفس الشفايف العلوية.. صاروا مفشوشيين ومتغير شكلهم واثر

على شكلها.. اهي سنة ( 2003 ) قعدت بس تعالج وبـ 2004 رجعت بالألبوم الأكثر من قوي

نوال لو كانت مستعرة من نفسها جان اعتزلت وما ورت وييها لكنها ومع المرض ما اهتمت وكانت

عادي جدًا وما استحت لأنها ما خافت من أي ردة فعل للناس.. والي يحبها ما راح يهتم حق شكلها



http://www.arabiamall.us/mall/images..._Yama-Alou.jpg

نوال الزغبي سنة 2006 صار عمرها 33 سنة نوال هني سوت عملية حق أحد أضراسها

او الي يسمونها الأنياب.. كانت لما تضحك يميزها الحين صارو صفة وحدة.. ونلاحظ ان

شفايفها بدوا ياخذون وضعهم الطبيعي شوي شوي وطبعا هذا مع العلاج

ولاحظوا شفايفها صاورا جذي:

http://img107.imageshack.us/img107/2...3910329yq5.jpg

ولا تنسون مثل ما قلت انها لما شالت احد اضراسها تغير شكلها شوي حتى بضحكتها وعادي بالعكس وايد ناس سوو جذي شالوا ضرس من الضواحك وتغيرت شكل ابتساماتهم..


يتبع..