حلمت تكرر معاي عن اسناني

السلام عليكم و رحمة الله و بركاته

قبل تقريبا اسبوعين حلمت ان لي ضرس بالجهه اليمنى فوق انه يعورني شوي فمسكته بأصبعي فبدأ يتخلخل و فجأه شلته بكل سهوله و طالعته الا من برا شكله نظيف بس من داخل مسوس بني و قعدت اقول حسبي الله وهو نعم الوكيل هذي عين ما صلت عالنبي ، فقال لي اختي ترا كله ضرس وطاح عين على شنو؟؟ قلتلها انتي مو فاهمه قبلها طايح ضرسين جمبه يعني الحين صارو 3 ضروس جمب بعض.


بعدها ارسلت هالحلم لمفسر فقال لي هذه رؤيا صادقه و تحصني بالاوراد عن العين و الحسد

بعدها بكم يوم حلمت ان ضروسي اليسرى من فوق بدأت بالتساقط بيدي وحده ورى الثانيه بسرعه و انا مصدووومه من الموقف واقول لااااا لااا مستحيل يكفي الجهه اليمنى 3 طاحو منها جمب بعض ، وقمت اشيل نفس الشاش محطوط بين الضرس و اللثه، وشافتني اختي الكبيره وقالت تستاهلينن الدكتور قالج لازم تشيلين الشاش اللي حطه على الضرس خلال يومين و انتي خليتيه اسبوع كامل فسبب فراغ وطاحت الضروس ، فقلت لها و الله الدكتور ما قااال لي شي و اصلا ما كنت ادري انه حاط شاش.

مع العلم اني مطلقه بدون اولاد و ان شاء الله على وشك الزواج قريبا
و سبق ان اجهضت طفل وبعدها توفى لي طفلان اثناء الولاده