رفّت عيون الشعر .. بجفون الاوراق
.................... في ليلةٍ خلّت حروفي .. نكدها ...!
فزة ولع .. مشتاق لعيون .. مشتاق ..!
.................... . جابت علوم ٍ .. هاجسي مفتقدها ..!
فتحت دولاب الغلا / درج الاشواق
................. وقامت هنوف الفكر ، تومي بيدها ...!
هزت عروق القلب ذكرى باالاعماق
.................... .. لا قبلها ذكرى .. ولا من بعدها ....!
ليلة جنون انفاس في لحظة عناق
.................... .. وَرْدَتــْ ــبها شفاهي مناهل شهدها !
عشاق .. لكن .. غير عن كل عشاق
.................... ..... نفلّ .. حجّان اللقا ، وانعقدها ..!!
لاضاع عقلي .. عندها عقلها فاق
.................... وافيق لجل تضيع فيني .. وحدها ...!
يحوشني من كفها الناعم .. طراق
.................... ... لاسالت يديني .. بدافي جسدها ..!!
الصبر عن ذيك .. التضاريس ارهاق
..................... يلحق مدى .. نفس الشمالي جهدها ..!!
ماكنها الا الشمس .. في وقت الاشراق
.................... ...... تغيب وتعوّد .. علي بوعدها ..!!
مافيه منها .. بالشوارع والاسواق
.................... .. سبحان منهو .. عن سواها فردها ....!
ملكت باشعاري بها .. كل الاذواق
.................... . وازريت لاحصي .. في النهاية عددها ..!
من لاعجبه عشقي لها .. بالف طقاق
.................... ......... ماهمني ناس ٍ .. تطابخ حسدها
كل مايرف الجفن من فوق الاحداق
.................... ....... سريتهن .. لين اصطبح في بلدها ..!
الوذ فيها كل .. ماخاطري ضاق
.................... ...... وتضمني ضم الطموح .. لولدها ..!!
منها / بها / عنها / لها .. الشعر ينساق
.................... ...... ويسوق قلبٍ صادقٍ ... ماجحدها ..!
بيني وبين عيونها السود .. ميثاق ..!!
.................... . لوخنت / ماخانت .. وراي .. بعهدها ..!!
كل ماذكرت رموشها / هاجسي راق
.................... .... وغنابها .. ماكن قلبي .. فقدها ..!!
مادامها .. مالتفت الساق بالساق
.................... ... بشّر جماهير القصيد .. بسعدها ..!!
:
:
:
الشاعر/خلف المشعان
