سونار الضامر ؟؟؟؟؟

السلام عليكم ورحمة الله وبركاته

بنات انا رحت للدكتورة الهندية اللي بالضامر علشان أطمن علي البيبي واشوف شنو جنسه وارتاح من التجارب اللي لوعت جبدي وضيعتني وبصراحة من كثر كلامكم عن البلغارية وشطارتها بالسونار كنت ابيها بس للاسف كانت مسافرة علشان الكريسماس وتوكلت عل الله وخليت الدكتورة الهندية جوماثي وكنت بالاسبوع الخامس عشر يعني مخلصة الرابع عشر ويومين من الاسبوع الخامس عشر المهم تاكدت منها انه يبين ولا ارجع مرة ثانية قالت علي الشهر الرابع يبين اول شئ طمنتي انه البيبي ممتاز الف حمد وشكر:yaaaaaarb: وقلت ابي اعرف الجنس وبدون ماتسألني شنو عندي قالت ولد واضح حيل ورتني اعضائه والشاشة عوده قلت بنسبة كم قالت ولد واضح :eh_s(15):وطولت وهي توريني وتأكدلي ولد وارتحت واليوم 10 \12 كان عندي سونار بمستشفي الجهرا عند الدكتورة نيللي وسألتني كم عندي بعدين ابتسمت وقالت موباين وارجعت الحيره قلت ماتبين تقولين علشان بنت قا لت لا موباين ومازالت مبتسمة بصراحة بطت جبدي وانا مالحيت عليها وطلعت وانا مصدومة اشلون مايبين وانا بالاسبوع السابع عشر اشلون بنات اعذروني هذرت وايد بس والله مقهورة ابي اسأل منو سوت بالضامر عند الهندية وصدقت وبرايكم اعيده عند البلغارية ولا الدكتورة جميلة عبدالسلام لاتهملون موضوعي حدي مقهوره والف شكر لكل من تفيدني:eh_s(17):