الطاقيه والمقص !!

سلام عليكم مفسرات ،، فديتكم*
قواكم الله ،،*

،،

حلمت ان عمي وولده عمي مو أخو أبوي بس من قرايبنا حيل ،، كانوا عندنا بالبيت وكانوا قاعدين مع أبوي انا دشيت عليهم من غير حجابي ولا بسرعه بغيت أطلع جان ابوي قالي فلانه عمج يبي مقص روحي يبيله ماذكر عمي شكان يبي فيه كان يبي يسوي شي بالمقص المهم وأنا طالعه من الصاله لقيت ولد عمي اللي اهو ولده واقف بالمطبخ ناداني و عطاني (طاقيته ) كان لونها برتقالي وانا استانست حيل لانه عطاني شي منه احتفظ فيه ورحت فوق داري وكنت اقبلها واشمها و أبي اخش الطاقيه علشان لحد يشوفها عندي وحطيتها بجنطه وبعدين طلعت مقص حق عمي وانا نازله شفت نفسي لابسه بجامه زرقه وايد عاجبتني بالحلم ولقيت أبوي ياكل بالصاله وقال خلاص لقينا مقص وراحوا عمج وولده ،،*
قلت زين باكل معاك يبه وجنه كانوا ماكلين مع أبوي عمي وولده وأكلت من قفشة ولد عمي*
وبس

،،،

انا عمري 19 عزباء
ولد عمي أكبر مني بسنتين أعزب
والحلم بعد صلاة الفجر*

...

ممكن التفسير الله يعطيكم العافيه*