ضروري ومهم .. ادخل لو سمحت

بسم الله الرحمن الرحيم

السلام عليكم ورحمة الله وبركاته ...

كيكفم زعماء وزعيمااات ,,,

هذه رساله لكل مشجع هلالي مخلص ويحب الفريق وشعار الفريق .. انا مليت كل يوم من دخولي المنتدى الهلالي
والسبب انتم عارفينه ,,,,
في الايام الأخيره ماشاء الله طلع عندنا ناس يستحقون انهم يكونون محللين ومنتقدين من الطراز العالي . وجودهم ضروري في القنوات العالميه بجوار فينقر والشله .....

رسالتي يازعماء اليكم انكم تلتفون حول الفريق وتأ زرونه في كل محفل لان الفريق بحاجتكم وخصوصا هذا الموسم العاصف ..

للآسف ان المشجع الهلالي هذي الايام راح يكتب وينتقد الاداراه واللاعبين والجهاز الفني ونسي انه مشجع

وظيفتك انك تساند فريقك وتشجعه لانه في حاجتكم ...
ترى انتقاداتكم الجارحه تجاه اي واحد بالبيت الهلالي سواء كان لاعب او اي مسؤول بالنادي
هي اللي تنرفز الفريق وتخليه يفقد هويته داخل الملعب ,, حتى توصل ان اللاعب وهو يلعب يفكر وش بيكتب عنه

ويفكر ان والله واحد من الاعضاء بيروح بعد المباراه ينتقده .. فهذي هي اللي بتضيع علينا الدوري ولاتخلينا نقدر
ننافس على اي بطوله .. والسبب نحن ؟؟

ارجو من كل مشجع وبالأخص الاعضاء انهم ينسون موضوع الانتقادات والكتابات عن الفريق وعن احواله
والاكتفاء بالتشجيع الذي هم في حاجته ..
وسترون النور قريباً ان شاء الله ........

الحضور ثم الحضور في كل مباراة وموازرة الفريق لكي نرد الروح المفقوده عن اللاعبين ...

واسف على الاطاله وهذا مجرد رآي وطلب في نفس الوقت لاعدمتكم يالزعماء ’’’