السلام عليكم ورحمة الله وبركاته
بسم الله الرحمن الرحيم
اشتقت للكتابه واعتذر لعدم طرح اي موضوع في السابق لان ما كان فيه موضوع يستاهل الطرح ولكن في الايام هذي ومن الجوله التاسعه اللي هي الجوله اللي كنا موعودين فيها من ابو فيصل اننا نقول راينا ونحكم على شغل الاداره راح من زماااان واقول يازمان العجايب وش بعد ماظهر يعني خلاص وربي الانسان لازم يكون بفكره ومنطقه واقعي لان اي انسان فالدنيا مهما قدم عمل راح يقنعك بالعمل وفق معطياته وفكره ومنطقه ومبرراته اللي على قولتهم يحصل له مخرج في اختلاق العذر المقبول من الطرف المقابل . لكن لازم الانسان لمى يختلق عذر او مبرر او يزين لنفسه عمل وانجاز يحسب حساب ان الجمهور فيه جمهور واعي ويقدر يحلل ويفهم ويضاد هذه الاعذار بالمنطق والواقع يعني لا تكون السياسه انا صح وفكري واعذاري ومعطياتي ومن بعدي الطوفان .
لان المسئول يجب ان يحاسب كل مخطئ على الاخطاء لكن متى المسئول مايقدر يحاسب الاشخاص عن اخطائهم اذا كان هو طرف فالخطاء. وانت مسئول ويجب انك تحاسب الناس اللي تخطي واذاماتعدل الخطاء معناتها انك موافقهم على الخطاء وهذا بعيد عندك لكن اللي حاصل هو الثقه الزائده من سموك فيهم.
فيه مره شخص رغب انه يوظف محاسب وقعد يسوي مقابلات شخصيه للموظفين كل شوي يطلع واحد من غرفة الاجتماع زعلان سأل واحد من المتقدمين ليش زعلانيين قالوا يسألنا 1+1= كم ونقول 2 يقول لنا مع السلامه ويطلعنا برا دخل الشخص اللي سأل على المسئول وجاه نفس السؤال 1+1= كم كان الجواب انت تبغاها تصير كم انا حاضر :) وتم قبوله .
بإختصار قرارات التعاقدات ماحكمنا عليها بدري لكن كان هنالك مؤشرات قلنا نصبر
صبرنا استخلصنا المدرب صح طموح ومجتهد ومدري وش وحماسي مثل ماينقال لكن بإختصار = فاشل جبان ماعنده سالفه
ايمانا = مامنه فايدة ووليهامسون افضل بديل
اللاعب الكوري = جيد بس ياخذ فرصه ولا تلعبه على الطرف وسبب عدم بروزه المدرب صدقني اراهن عليه والايام بينا
العربي = جيد وسبب عدم بروزه في بعض المباريات المدرب لا ينباع الان بيجيب سعر اعلى لان راس الحربه نادر الان في العالم يعني الدعوه مو بزنس بس
هرماش= جيد وواثق من قدراته بس تكتيك المدرب له دور في عدم ابداع اللاعب خله يلعب مع مدرب صاحي وراح يبدع
يعني يا ابو فيصل بإختصار العله في المدرب وفي الناس اللي مثل الموظف ويقولون انت تبغاها تصير كم يعني (مطبلين ويعطون اعذار مقنعه لهم ويحاولون يصورونها للعالم بالقوه انها صح)
فيصل الجمعان+وليد الجيزاني+ كالديرون+احمد علي+الرغبه في الاستغناء عن المحياني في السابق + توماس دول و و و و و= انت تبغاها تصير كم ياطويل العمر (يعني مصدرها مطبل لانه بأسلوب الاقناع والمنطق من زاويته والمعطيات والظروف اقنعك وهي فاشله.
يا سمو الامير ترى مو عيب ان الانسان يأخذ براي الجمهور ولا كل الاراء لكن هنالك ناس محبه لديها فكر مثل مالله وهبك فكر لكن النقص في الهلال تكامل الافكار لان فيه كم واحد في النادي مطبل ويبحث عن مصالح شخصيه بإستثناء الامير نواف بن سعد اقدره من كل قلبي وهو افضل واحد في إدارتك لانه رجل صريح ولا يجامل
اسف على الاطاله
دمتم بخير
:rose:
