منو(المدارس المتوسط/الثانوي)اللي استئذانهم 3ساعات(دشي كتبي اسم المدرسةاللي تعرفينها)
السلام عليكم ،،
بنات كلنا ندري انه من حقنا استئذان 12 ساعة بالشهر بمعدل 4 مرات ما يعادل 3 ساعات
يعني لج بالشهر 4 استئذانات وبكل مرة 3 ساعات
و هذاا اصلا حقج !!!!
بس اغلب الادارات
ياكلون حقنا
و يخلونا بس 3 استئذانات و الرابعه بتحقيق
و فوق كل هذا غصب نستأذن و وين و ليش و وين رايحه و مو ضروري وووو وستين كلمة
و لا بعد مدتهم سااااعتييييين و يبوقون من حقج الساعه الثالثه !!
طبعا مابيكم تقولولي مدارسكم اغلبها ساعتين
ادري
اداره تتعلم من اداره
ماشالله ما يتعلمون السنع
بس يتعلمون الامور اللي تطفش المعلم !
و بالمقابل في مدارس ادارتهم سنعه تعطي المعلم كامل حقوقه
و من ضمنهم حقوقه بالاستئذان
وتعطيه 4 مرات بالشهر و 3 ساعات لكل استئذان
وانا صراحه وايد اتأذى من سالفه الاستئذان
مو معقوله انحكر بالمدرسه طول عمري
حتى لو ماعندي شغل او مخلصه حصصي و التزاماتي عندهم
او حتى تعبانه او مالي خلق
وصراحه وايد تصير عندي مواعيد الصبح
و حضرتهم يقولولي خلي مواعيدج العصر او بليل !!
يعني انتي مو بشر و تبين تنامين او تريحين او تطبخين او تطلعين او عندج ريل ولا عيال و مسؤوليه ؟؟؟!!!!!
جم و جم موعد اسنان و مواعيد عيادات كنسلتها بسبتهم :eh_s(14):
..
ما نطولها واهي قصيره
اغلبنا نعاني ..
بهالموضوع نبي نجمع اسامي المدارس اللي تسمح بالاستئذان لمده 3 ساعات بمعدل 4 مرات بالشهر ؟؟
اللي بتكتب اسم مدرسه
تكون متأكده مليووووووووووون بالاميه بليز
مانبي اشاعات :/
يلا بنات اللي تعرف تبلش
وانا بعد بسأل واذا عرفت بكتبلكم بالموضوع
بس كل وحده لما تكتب
تكتب هالمعلومات
1- اسم المدرسه
2- متوسطة ولا ثانوية
3- المنطقة
:eh_s(17):
