بنات تدرون ليش نخرب الرجيم الحين عرفت السر, وانا لي 5 سنين اخرب

السلام عليكم

تدرون ليش نخرب الرجيم انا اقول

لكم مو لانه قاسي ولا ليش في ناس يطبقون رجيمات قاسيه ويكملون وفوق هذا مشالله مشالله يحافظون

لانهم حبو نفسهم

يعني انتي هل بتنحفين لنفسك؟؟

أسئلي نفسك مو لازم تقولين لي بينك وبين نفسك

يعني انا اعترف
اني كل ما انوي انحف عشان اشوف جسمي احلى من فلانه واكون بأي عرس احلى جسم وفوق هذا قبل ما نسافر لبيت جدي
اسوي اقسى الانظمه عشان اكون احلى جسم

طيب هل بيوم فكرت انحف لنفسي اعترف واقول لا

بنات ترا مايهم وش الرجيم قاسي ولا متوسط او عادي

انتي بتنحفين عشانك انتي عشان نفسك مو عشانهم

والى كل وحده مو مقتنعه بكلامي بقولها (الايام بتثبت كلامي)

كلنا قبل مانروح العرس بشهرين او ثلاثه رجيم قاسي وصارم جدا
نروح للعرس وننبسط بشكلنا
ومن بعد ما يخلص العرس ويجي بكره نرجع كنا راجعين من مجاعه ونااااكل ونعيد الشريط كل ما قالو ترا فيه مناسبه
نعيد الموال

تبين اثبت لك كلامي الفنانات شوفيهم برمضان بل مسلسلات مشالله على الاجسام رووعه تهبل كنهم مب خليجيات

ليه لنهم عارفين ان وراهم جمهور ومتابعين فعشان كذا يبون يبنون بأحلى صوره وانا اشوفهم ببعض المقابلات و زايدين عن 20 و30 كيلو خاصه المقابله اذا كانت بعدرمضان

بنهايه اذا مو ناحفه عشان نفسك اقولك استريحي ولا تنحفين

وترا انا اعترف اني كنت افكر غلط بس من اليوم بنحف عشان نفسي

والي تبي تعترف هذا اكبر دليل على انها شجاعه وبتواجه المشكله


اتمنى اني افدتكم