أبوالشباب ........... رسالة لعل وعسى 0
[align=center]
إليه مع التحية
وبدون مقدمات[/align]
[poem=font="Arial,4,black,bold,normal" bkcolor="transparent" bkimage="backgrounds/17.gif" border="outset,10,gray" type=2 line=1 align=center use=ex num="0,black"]
لاتعرفني على نفسك أعرفك يـبه=أباأعرف من أنت بلاسؤال ولاجواب
طبعاأعرفك إن تمعنت باللي تكتبه=قيل من عنوانه يبين مضمون الكتاب
وأبوشنب له مقص يتناسب وشنبه=لوهو يفتل شنب في شنبه أبوالشباب
وكل راعي مذهب وذاهب ٍ في مذهبه=ومذهب مايتبع السلم جعله للذهاب
وأبومنصب ماهو مخلد ٍ في منصبه=ومن دخل من دون باب ٍ طلع من دون باب
ويوم ٍ أصبح لك صباحه تدانى مغربه=وماقمرفي ليلة ٍ صار بدر إلا وغاب
من بغى يسل سيفه يجود مقضبه=أو يخلي لمعة السيف في وسط الجراب
ماكتبه الله يهيي له الله إسببه=إقنع أوطارد سرابك ويقنعك السراب
والزمن له لكزه بكوعه أو في منكبه=ودعوة المظلوم مادونهالله حجاب
والطريق العسر ياجابهه ياجنبه=الرياح بقدرة الله مسيرة السحاب
كم واحد حط سم ٍ لغيره وإشربه=قدرة الله والقدر جزم ماعنه إجتناب
قلت لك رأس شعبا تشعبه لاتشعبه=وتاتصدقني إن كانك تطاولت الشعاب
لاتغامر وإنتبه للي أعنيه إنتبه=وكان ماسجلت حاضر يسجل لك غياب
وإن بغيت تجربه شد حيلك جربه=بس قبل تسير الركب جهز بالزهاب
إن رغبت الرأي وإلاعسى ماترغبه=بينناماهيب واصلة لحد الحراب
بعض خلق الله ماكل شي ٍ يعجبه=لينه يشوف العجب والعجايب والعجاب
إجمع البوح إطرحه وإقسمه ثم إضربه=ودون الناتج لذاتك ودقق بالحساب[/poem]
[align=center]
اللهم بلغت اللهم فأشهد
أبوسبيل[/align]
