هالتفسير محيريني اتمنى تفسيره

السلام عليكم ورحمة الله وبركاته

اولا: هذي اول مره اطلب تفسير حلم منكم
بس صراحه هذا الحلم خلاني اتشجع اني اكتبه لكم لانه محيرني

الحلم:
حلمت انا جالسه بغرفتي واتضبط بالاكسسوارات والمك اب وو و... الخ
المهم فجاني ولد خالتي ودخل علي الغرفه وجالس عند الباب يطالعني امكن 10 دقايق وساكت
بلاخير يا وجلس ينكش شعري صرخت عليه وقلت ليش تسوي كذا دوبي مضبطته يقولي مالك شغل انا حر
بلاخير قلت له ليه انا من بين البنات تعذبني وكنت ابكي منهاره بلاخير وهو معصب ويصارخ لين جاء اخوه
وبعده عني وطلع وهو معصب يقول لاخته ناشبه فيني هالبنت جات اخته طالعت فيني وراحت
بعدين انسدحت وجلست ابكي وبعدها خواتي جو وقالوا يلا بنروح الفندق رحت انا وخواتي وزوج اختي للفندق
كان فخم من بره والمصعد حييييييييييل كبير وكله مزخرف بالكرستال والمرايات طلعنا وقالت اختي هذي غرفتك
دخلت لقيت فيها سرير وملابس منكته وسرير رضيع جلست افتر بالغرفه معرف ليه انا هنا بعدين جات اختي قالت يلا
سوي الحلا قلت لها أي حلا قالت كل البنات مسوين حلا انتي سوي رحت سويت حلا وطلبت من اخو زوج اختي انه ييب لي بعض المقادير جاب المقادير وسويته واخذته ورحنا بعدين زي استراحه او قصر فيه بنات خالتي ( اخوات الي ضربني ) وقالوا يلا يلا تعالي ودخلوني غرفه وبعدها قمت من النوم
هذا الحلم بضبط اول ما قمت كتبته عشان ما انساه اعرف انه ملخبط بس هذا الي خلاني احطه عشان يتفسر
للمعلوميه : ولد خالتي انا وياه كانت بيننا علاقه صداقه والكل يعرف بهالشي صار خلاف بيننا وقمنا ما نشوف بعض الى بالمناسبات العامه انا مو متزوجه وادرس
وشكرا لكم