ابي اشوركم بسالفه خدامتي السيلانيه الله ياخذها

السلام عليكم خواتي حبيت اشوركم بسالفه خدامتي السيلانيه حسبي الله عليها ، من يبتها من ثلاث شهور واهي عالتتي ، وانا حامل وباقيلي شهرين واولد ان شاءالله ، عندي هنديه حق عيالي وهذي يبتها حق طباخ وتنظيف ، اول ماوصلت قلتلها عندي هنديه من المكتب مابي مشاكل وياها قالتلي اوكي ، وقالتلي علي الموبايل انها بتكلم زوجها بالسيلان وقلتلها مو مشكله ، وانا من يبتها والتليفون مايطيح من ايدها بالليل اللي خدامتي الثانيه تشتكي انها ماتقدر اتنام وزفيتها ، وبعد شهر بالضبط الا الاخت اثازي طابقه مع بنغالي مال التنظيف بالشوارع ، وخذينه منها الموبايل لقينه 3 رياييل وزوجي هاوشها وقلنالها خلاص ماكو موبايل واذا بتكلمين اهلج اشتري كرت ، وهاوشوها المكتب ومشا الموضوع يومين وقامت تحن علي موبايلها انها ماتبي الكرت تبي تسمع اغاني بموبايلها ، ويا تعطيني تليفوني ياودوني المكتب، وزوجي احتر وطقها ، والاخت ثاني يوم قامت تنظف ولا جنه مسويلها شي ، المهم بعد 3 ايام انحاشت وراحت المكتب ، وانفشوها المكتب ووقعوها علي اقرار انها ماتنحاش ، والله من الحاجه رديتها بيتي ، وطلبتلي من المكتب وناطره ، تخيلوا ماتمت لها شهر الا ردت نحاشت وريلي بلغ تغيب ودحره مع مكتبها وردولنا فلوسنا ، والحين المكتب لقاها ، والاخت قايلتلهم انها كانت في بيتي وانه احنا نجدب عليهم ، المهم ودوها العماله المنزليه وقام المكتب يلقنها قولي ان في بيتهم ، المهم ريلي طالب مال العماله انه يوديها المخفر عشان يحولونها الهجره ، والمكتب مصدق الخدامه انها كانت في بيتي ، المهم امها بالنظاره الحين والجلاب مكتبها محترين انهم ماستفادوا من الخدامه بشي وهلوها تتبله ، قلت حق زوجي خل يرفعون قضيه نصابين خل يثبتون انها في بيتي ادري طولت عليكم بس شورو علي احنا يصير علينا شي لو ارفعوا قضيه مكتبها مع العلم انه شغلنا كله قانوني اهي انحاشت في وقت كفالتها وقصبن عليه المكتب ردولنا فلوسنا ، اهم لقوها تالي مشكلتهم