وبعدين يعني مع حريم اخواني الهيلقيات؟

السلام عليكم ورحمة الله وبركاته

انا قبل كنت حاطه موضوع
هذا اهو

http://www.q8yat.com/t946233.html
طبعا كنت اكتبه وانا منفعله ودموعي على ويهي فعشان جذي البدليات اللي فيه واللخبطات لول :D



الحمدلله كل شي تصلح بس مع "توج" شوي .. والمسكين اخوي حسين حطو الغلط فيه كله لانه يبي يصلح وضع العايله و حلف على نفسه لو يشوف اي احد من بنات اخوي مع ريال بالطقاق لان لما شاف وحده فيهم خانت اهلها كلمت وقابلت شباب وراح بيستر عليها النسرات حريم اخواني، اهما خوات متزوجين اكبر اخوان لي من ابوي .. اقلبو السالفه عليه وطلعوها منها واهيا الحين تسرح وتمرح الله يستر عليها يارب :) ورد قام يكلم ابوها اخوي من ابوي اللي مو زين وياه .. بس عشان يرد الوضع طبيعي للعايله صار الوضع كل شي عادي زواره وجذي، بس مو مثل اول، يعني في حساسيه بينا و احسن ما ابي احتك وياهم والله لو انتي ماتعرفينهم ولا اهما يعرفونج وشافوج تحجو عنج بالشين! بس اللي يبط الجبد لما تكون الحساسيه عند اخواني وكارهينا وباعو اخوانهم وابوهم عشان هالثنتين؟! وصدقوهم؟! والمشكله يدرون انهم يجذبووون وااااايد .. المهم انا امس كانت خطبتي والحمدلله تم كل شي على خير الله يسهل علينا يارب :) ام الريال وخواته الثنتين وخالته اقعدو عندنا بالبيت لي العشا سوالف وضحك انا وامي وخواتي وبنات اختي كنا وياهم ... فجاه دشو من الباب حريم اخواني وبناتهم بدون اي سابق انذار وفشلووونا والله!!!! هييييلق حدهم!! جنهم قبل لا ايوون قالو خل نروح نخرب عليهم ومتفقين!!!!


لا لبس ولا حجي ولا اسلوب ولا ذرابه!!!! انا عصبببببت وزفيت بنات اخواني الله يستر عليهم طقة 18 سنه اللي مسوين هالمشاكل لان سوالفهم ماصخه! تخيلو اقعدو مع الام! تخيلو مع وحده كبيره!!! وقامو يسولفون لها عن الجامعه والشباب والبويات الللي فيها وانه عادي وانها تعرف بويه!! وانه واحد من الشباب تقول زميلي بالجامعه قالي شوفي شوفي فلانه انا ارجل منها "عن البويه" ترا لاتحطين عينج عليها!!! امبيييه وقااااحه!!! وتسولف بطريقه ماصخه تتميع فيها والام من ويها انقدت عليها وقاعده تمشي وياها اي اي!!! امبييييه انا طقتني البوهه ويهي قام قط الواان!!!!! اختي الكبيره من ابوي، لما مشو الحريم زفت حريم اخواني وبناتهم على حركاتهم وانه عيب اللي سووه .. لما اطلعو يهددونا باخوانا! والله نقول حق فلان عليج انج طردتينا من خطبة اختهم! لول الحمدلله والشكر!!


طبعا اخواني الكبار مايدرون عن سوالفهم وكل ماصار شي عندنا راحو قالو لهم وحرشوهم علينا وتصير مشكله!! ابوي يكلمهم بعصبيه واهما يقولون ماعلينا منك سولف سولف انت الكبر اثر عليك استغفرالله! اهني ابوي طردهم وبعدين يو جنه ولا شي صاير!! و ساعات يكسرون خاطره وينسا كل شي ومايقدر يكلمهم ويحطهم فوق راسه!

الزبده للحين مو مفتكين منهم مهما صار، الوضع رد شبه عادي، بس النفوس مو شي بسبة هاللي مايخافون الله ابتلشنا! عايلتنا صغيره وجذي النفوس بين الاخوان والابو بسبة هالنسرات حسبي الله ونعم الوكيل فيهم
مازال اكو شراره .. يعني حتى اخواني الكبار واسطات حتى بمكان عملهم مايسوون لنا هذا واحنا اخوانهم ويسوون حق الناس الغريبه وحق اهل حريمهم مع انه والله محد فينا قصر عليهم بشي

شهالبلشه هاذي؟! شسوي؟ و تهقون شنو خذت ام الريال فكره عن الوضع؟ استغفرالله مو كافي قبل اقطعو نصيب اخوي .. انا ما احب اسكت وكله ودي اوقفهم عن حدهم بس ابوي مايرضا! يقولي سكتي وخليهم! اي لي متى؟! ابوي مايرضا نكلمهم مادري ليش؟! مادري ليش يقول خلو الوضع جذي!! انت تتحمل بس يايبا الله يطول بعمرك احنا مانتحمل!! وقاعدين يخربون كل شي هذيل بحسدهم وحقدهم وحقارتهم و وصاختهم!!!! ابوي مو مرتاح مع اخواني الكبار وحريمهم وكله يشكي منهم وبس يدشون البيت يصير واحد ثاني!! والله يحطهم فوق راسه! يخليهم يستقوون علينا! شي ينرفز! يعني لا انا تحملت ولا اخواني من امي وابوي ولا اختي الكبيره من ابوي كلنا ردينا عليهم و وقفناهم عن حدهم! بس مازالو يتطاولون!

يعني انا واخواني من امي وابوي، وامي وابوي وايد متاذيين منهم، حتى اختي الكبيره من ابوي وبناتها متاذيين منهم شالحل؟!!؟ اسفه عالاطاله بس والله زهقت انا مافيني صبر مو مهتمه لهم ودي اوقفهم عن حدهم واقدر بس ابوي مانعني يقولي خليهم! اي زين لي متى ;/!