بطانة الرحم

السلام عليكم بنات ،،،

انا اليوم الصبح كانت عندي مراجعة عند الدكتور ناهض لمراقبة حجم البويضات لاني ناوية اسوي تلقيح صناعي كمان مرة ولكن للاسف حجم البويضات وايد صغير والوضع الشهر اللي طاف كان افضل بوايد ،، وقلي اقدر اعطيج ابر تزيد حجمهم ولكن هو نصحني لا حتى لو اضطر ااجلها للشهر الجاي ، ولكن قلي كمان انه عندي هالشهر بطانة الرحم رقيقة ما اعرف ليش وشو السبب بما انه الشهر اللي طاف كان الوضع تمام وماصار حمل ؟!! وخبرني اني ارجع الخميس يشيك اذا زاد حجم البويضات واذا لا ناجلها الشهر الجاي بلكي الوضع كان افضل ...

ابي اسال حسب خبرتكم شو السبب اللي يجعل بطانة الرحم رقيقة وكيف ممكن نعالجها طبيعيا ؟ وايضا بالنسبة لحجم البويضات كيف ممكن يزيد من غير ابر ولا ادوية ؟!!

بنات واللي صدمني عند الدكتور ناهض ما طلب مني اي فحص او تحليل الا فحص زوجي ، ع الرغم اختي بلشت عنده بعدي وطلب منها فحوصات وايد وصور وسوت مبارح صورة وصلت الموت فيها ورجعت لانهم خدروها موضعي هيي للتاكد ان قنوات الرحم مو مسكرة ولكنها فعلا كانت بوضع يرثى له ، ابي اسال شو اسمها هاي الصورة ؟ واذا لهالدرجة تألم ليش يسونها بتخدير موضعي ؟! اختي لليوم مو قادرة تمشي ع رجليها وكل ساعتين ياخذها زوجها يحطولها مغذي ونزيف بشكل مو طبيعي .

اتمنى تفيدوني ولا تبغلوا علي بمعلوماتكم لاني جد محتارة .