حصريـآ .. الاتحـآد يتعـآقد مع ,, فيفي عبده ..!؟

<div>بصرآحة .. شفت العـآلم قـآعدة تجيب أخبـآر حصرية .. قلت انا كمـآن اشآرك الجميع فرحة التعآقدآت الحصرية اللي وصلت الى الآن .. آكثر من 7 لآعبين اجآنب خـلآل 4 ايـآم .. !!!!

أتمنى يوم .. أدخل المنتدى .. القى الهدوء والسكينة والرحمة ..

هذآ نـآط علينا بتصويت عن استبعـآد و ضم و تنسيق و مفآوضة .. وكـآنه مآسك فرع في النآدي ..

الثآني .. جآيب خبر عـآجل .. وبعده بـ 10 دقآيق تلقى اربع اعضـآء غيره كل وآحد سدح نفس الموضوع بس بطريقة مختلفة .. وبرضوو عـآجل وحصري ..!

الثآلث .. جآبها حلوة شوية، من تتمنى انو يجي يلبس القوونيـلآ الإتحـآدية ..!!
وتلقى عشرة أعضـآء ورآهـ برضو جآيبين نفس الهرجة وأمنـيـآت و تكفوون وهالله هالله و عينكم يـآ ادآرة على فـلآن .. وانتـآ مـآشي ..#

الرآبع .. اللآعب رقم خمسطعشرين وديني لو يقعد في الاتحـآد ترى رآح يودينا في دآهية مآلها اول ولا آخر .. ينط عليه وآحد بموضوع ثآني .. قصدك اللآعب احدعشرين مـآ منو فآيدة ولا تجددو له طول عمره .. وامسك معـآهم خط ,,

الخـآمس .. مدرب الموسم بـلآ منآزع ،، حط التشكيلة من اسآسيين واحتيـآط واجـآنب وتعآقدآت .. فـلآن نجدد له 6 أشهر وهذآك موسمين وهذآك شختك بختك .. اذا نفع كملنا معاه ولا مسكنـآه البآب .. الين هنـآ نبلعها شوية .. اما انه يقآوح ويشدد انو لآزم نتعـآقد مع فـلآن وعـلآن ونطرد ابو فنيلة نص كم .. وهذآك الادآري مو عـآرف ايش الطبخة شوفو غيره .. ؟! مـآ توصل للدرجة دي يا رييس ..!

السآدس .. قلبه محرووق .. وجآي يحرق الطبخة بزيـآدة .. يبغى الجمهور كله في الملعب ويبغى يحمس الشعب ويبغى ويبغى ويبغى .. طيب وبعدين ..!!

واللهي يا جمهورنـآ حيرتوونا في موآضيعكم .. ما عرفنا ايش تبغو بالزبط .. تبغونا نوآفقكم في الرأي بالغصب ولا نسجل حضور بالرد والمشآركة ولو كـآنت الهرجة تسليك لآ اقل ولآ أكثر ولآ زيـآدة عدد المشـآركـآت ولا نقعد نتفرج بس وانتو تهرجوو .. مـآ فهمت آيش تبغوو ..!؟

****

ما آلوم حبكم وتفآنيكم واخـلآصكم للنـآدي .. وان الشي دا ما طلع من قلبكم الا لأنه يهمكم آمره .. وصعبة عليكم تشوفوه كدة، حبة فووق وعشرة تحت ..
بس برضوو .. شوية هدوء وريـلآكس وعقـلآنية في الطرح برضوو ..
كلنا نتمنى نشووف الإتي في العـلآلي ..
كلنا نتمنى نشوف الإتي فريق لآ يقهر ..
كلنا نتمنى نشوف الإتي بطل الأبطـآل في جميع المحآفل ..

بس مو بالطريقة اللي انتو مآشيين فيها ...
عبرو عن رأيكم بكل صرآحة وشفآفية واحترآم .. محد يمنعك من حقك .. هذا شي ما نختلف عليه ..
لكن اللي اختلف معـآكم فيه .. انو اغلب الموآضيع صـآرت مكررة ونفس السينآريو والكـلآم .. لآ جديد .. يعني تقريبا من 45 موضوع ... موضوعين او ثـلآثة يستحقوا القرآءة والرد والمنآقشة بهدوء بعيدا عن التعصب والفلسفة الزآيدة .. والبآقي طرطشة كـلآم

صـآر الوآحد يدخل المنتدى وهو عـآرف مسبقا ايش الموآضيع اللي ممكن يلقـآهـآ ..
يعني معقولة خلآل سآعة .. 27 موضوع جديد .. منها 9 موآضيع وصلت الصفحة الثآنية في غضون ربع سـآعة فقط .. لأنو مـآفيها شي يستآهل الوآحد يثبته او يقيمه ويبدي اعجآبه فيه .. وتلقى الردود ان تعدت الـ 10 شي مرررة كويس ..

****

ودي انكم تمسكو نفسكم شوية .. وتعصروو مخكم دا مزبوووط .. وتطلعو لنا افكـآر ومقترحـآت ونظرة مستقبلية .. نبغى أشياء جديدة .. أفكـآر لأول مرة تطرح .. مقترحـآت وحلول متميزة قآبلة للتخطيط والتنفيذ ..

نبغى أعمـآل هندسية تخيلية من أصحآب الفوتوشوب والـ 3d max و الـ Auto cad لملعب النآدي مثـلآ .. نطوره بشكل احترآفي مع المرآفق الخآصة ..

نبغى تصآميم ممكن نزين فيها النآدي والمدرجـآت .. نبغى تصميم شعـآرآت رآئعة نطبعها على شيـلآن و أكوآب وأطقم وأقـلآم ودفـآتر وآي شي يخطر على بآلك ..

نبغى موآضيع تهدف لرقي المنتدى بمختلف المعآيير .. موآضيع ما تمل من قرآئتها مية مرة

نبغى نـآس تهتم بالأهزوجـآت واللي عندهم موهبة شعرية او صوتية .. يقدم لنا وصـلآت ممكن نحطها بين الأهـآزيج .. ونسجلها ونسوي أهـآزيج جديدة بلون مختلف

نبغى نـآس تتفآعل تفآعل ايجآبي .. انسوو امر الاتحـآد والتخبطـآت مؤقتـآ .. ترى قلوبنـآ يكفي اللي فيها .. خلونا نتحرك في امـآكن غيرنا ما فكر فيها ولا رآح يفكر فيهـآ الا يوم يشوفنا بدأنا ننفذها ونطبقها ..

انك تكون مشجع .. مو بس تقعد في المدرج وتنطط رآيح جآي .. وتدخل المنتدى تطلع حرتك بين النـآس وتيجي مآشي ..
لآ يـآ حبيبي .. انتـآ فين .. والتشجيع بصدق شي تآني ..

طورو من أنفسكم شوية .. وخلونا كلنا يدا بيد .. نغير جلد المنتدى .. من موآضيع عـآدية .. الى منتدى يتحدث عنه كل من في المملكة والخليج .. ويصبح هو المصدر الأول لأي مـآدة ممكن يحتآجهآ المشجع الاتحـآدي خآصة والسعودي عـآمة

مقـآبـلآت خـآصة - برآمج اسبوعية - تصآميم يوتيوب متميزة - استضآفة محللين ونقآد ولآعبين سآبقين سواء كـآنو اتحـآديين او غيره - اخبآر حصرية موثوقة - وغيرهـآ من الأشياء اللي تحرك المنتدى وتخلي فيه روح المنافسة الشريفة والتعآون والاخـلآص والتحدي.

***

ليس اللآعب فقط من يبني مجد نآديه .. بل الجمـآهير ايضـآ لهـآ نصيب وآفر في ذلك ..

***

هذا الموضوع كله .. ما كتبته الا لأني شفت ان الحآل صآير من سيئ لأسوء صرآحة ..
وأتمنى اني القى تفآعل وتحرك منكم يا حلويين .. :$

**

دمتمـ بـ ود