صدور الدجاج مع عيش البطاط والفلفل البارد وحشو النخي العجيييب..
*السلام عليكم ورحمة الله وبركاته*
*(الحمدلله الذي أطعمني هذا الطعام ورزقنيه من غير حول مني ولا قوة)*
اشلونكم يا غاليااتي..عساكم بخير وعافيه وطمأنينه
اليوم جايبتلكم هالأكله اللذيذه والسهله..ويعلها عاافيه على قلوبكم
نفوح صدور دجاج بماي مع بهارات عدله ( شوية مسمار شوية هيل و دارسين وفلفل اسود وملح )
نخليها على النار حوالي نص ساعه وعقب نطلعها وندهنها بهالخليط المكون من:
( ملعقة اكل بهارات مشكله+ رشة كركم + نص ملعقة فلفل اسود+ شوية كزبره مطحونه+ شوية ملح..هالبهارات هاذي نذوبهم بحوالي عصير ليمونه ونفرك فيهم صدور الدجاج عالخفيف)
نحط المقلاه على النار..ويفضل تكون من النوع الي مايلصق..تيفال
ونحمش الدجاج على النار ليما يوصل للون المطلوب.. الاشقر الاحمر الحلووو
ونكون مجهزين وقالين بطاط مكعبات بالزيت مع فلفل اخضر مكعبات
وبماي فوح الدجاج نسلق العيش..والعيش طبعاا نكون منقعينه قبلها حوالي ساعه بماي دافي ونغسله ونكته على مروق الدجاج...نخليه يستوي ثلاث ارباع الاستوا
وعقب نشخله بمشخال علشان نبلش بالعيش والبطاط والفلفل
ونسوي طبقات من العيش والخلطه ليما نوصل لوجه العيش نرشه بماي ورد منقعين فيه زعفران وشوية من صبغ العيش ورشة هيل
نسكر جدرنا ونخليه على نار هاديه حوالي نص ساعه.
و بهالوقت نجهز حشو النخي اللذيذ
نحمس بصل مقصص بالمقلاة بالزيت
واذا ابتدا البصل يذبل..نضيف عليه نص ملعقة اكل فلفل اسود وربع ملعقة اكل لومي ناعم وربع ملعقة اكل هيل مطحون وشوية كركم وملح..ونحمس عدل وبخفه
وعقب تضيفين ملعقتين اكل معجون طماط ..ونحرك بخفه لا يتفتت النخي..ونضيف ملعقتين اكل ماي وملعقة ماي ورد على خلطة الحشوو..ونخليها تتسبك على نار هاديه
واذا جهز الحشو..نفتح جدرنا..ونحطه على وجه العيش على صوب..وفوقه شوية كزبره خضرا
وجهزت طبختنا ياحلواات وتبي اللي ياكلها..عليكم بالف هني وعاافيه
وهني شلت الحشو مع شوية عيش للنجااب
وتفضلوا..سموا بسم الله
وسويت روب بالنعناع اليابس..حيل لايق مع هالأكله
رجاءن لو تكرمتوا يا حبيبااتي لحد يرد..بكمل الموضوع
