السيرة الذاتيه للامير فهد بن خالد

بسم الله الرحمن الرحيم

السلام عليكم ورحمة الله وبركاتة


هذي سيرة ذاتيه لصاحب السمو ... الامير فهد بن خالد بن عبدالله ال سعود
حفظ الله سموه لنا وادامه للكيان الاهلاوي ..




http://69.59.144.138/icon.aspx?m=blank



الاسم / فهد بن خالد بن عبدالله بن محمد ال سعود


العمر / 37 عاما ادام الله في عمر سموه


الحالة الاجتماعية / متزوج .. واب لابنتين


التخصص / خريج جامعة الملك سعود .. قسم العلاقات العامة


نبذة شخصية ..


خاله الامير الشاعر الاهلاوي الكبير ومهندس الكلمة بدر بن عبدالمحسن.
وجده لأمه الامير عبدالمحسن بن عبدالعزيز امير منطقة المدينة المنورة .
وعمه الامير فيصل بن عبدالله وزير التربية والتعليم.
وعمه صاحب السمو الأمير الفريق الركن فهد بن عبدالله بن محمد آل سعود
قائد القوات البحرية السعودية
وابن عمه صاحب السمو الأمير فيصل بن فهد بن عبد الله بن محمد رئيس مجلس ادارة شركة f6
وأيضاً اللي كان قريب انه يشتري نادي ليفربول.

هذا هو اميرنا الشاب اطال الله في عمره والبسه لباس الصحة والعافية وجعله الله لنا
الصوت القوي لجمهور الاهلي .


سيرتة في النادي الاهلي ..
http://www.al-madina.com/files/image...5513794100.jpg


عضو شرف اهلاوي منذ مده طويلة
رئيس اعضاء الشرف في مدينة الرياض
له عدد كبير من المساهمات في النادي سوا كانت ماديه او معنويه
له مساهمة ودور كبير في صفقة المحترف المصري محمد بركات
تكفل بعلاج إصابة اللاعب فهد الزهراني
وقوفه الدائم ومساندته المستمرة لجميع ادارات النادي السابقة
له مساهمات كثر كعضو شرف النادي في مدينة الرياض ولعب دوراً كبيراً
ومميزاً في هذا الإتجاه في كل ما يخدم النادي.


سبق و ان عرض عليه الامير خالد بن عبدالله بأن يكون مشرف لكره القدم وذلك
من ثلاث سنوات ، وسبق وان عرض عليه بأن يترأس النادي بعدها بسنة.


في أعقاب إعلان رئيس النادي الأهلي الأستاذ/ أحمد المرزوقي عن استقالته من منصبه ، تم ترشيح سموه لتولي منصب رئيس النادي بتأييد من صاحب السمو الملكي الأمير خالد بن عبدالله وبما يحضى به من قبول على المستوى الشرفي والجماهيري ، في حينها أبدى سموه موافقته المبدئية ، وعاد واعتذر لظروفه المتمثلة في عدم تفرغه التام وتواجده الدائم في مدينة الرياض ولإدراكه التام بكبر حجم مسؤولية هذا المنصب والأمانة الملقاة على عاتقه ، والتي يجب أن يكون من يشغل هذا المنصب مهياً ومتفرغاً للقيام بأعباء ومسؤوليات هذا المنصب على الوجه الأكمل وبما يرضي أماني ويحقق تطلعات جماهير النادي.


عشق سموه لقلعة الكؤوس هذا النادي الكبير والعريق والذي يردد هذه العبارة دائماً في جميع أحاديثه وبما واجهه من ضغوطات كبيرة ورغبة من قبل رجالات الأهلي وجماهيره ليكون الرئيس القادم للقلعة الخضراء جعلت سموه يعيد النظر في اعتذاره السابق ويرتب أوراقه استعداداً لشد الرحال ليشغل منصب رئيس النادي.


ندرك جيداً بأن سمو الأمير فهد بن خالد بن عبدالله قادراً على تجاوز جميع العقبات والتي ندركها جيداً ونقدر له تجاوزها في سبيل شرف خدمة هذا الكيان الكبير ...


الامير الشاعر ...


شاعر صاحب كلمة قوية ومشاعر جياشة ، مرهف الحس ، صادق الإحساس ساهم بقلمه في أنواع شتى من القصائد الشعرية . وفي هذه المساحة سأعرض بعض الأبيات التي أعجبتني لقصائد مختلفة وأتمنى أن تعجب الجميع .



http://dc09.arabsh.com/i/01378/hmrsdvdyblql.gif




هذا القمر اقبل


هذا القمر اقبل .. في طلعته ارسل
نور الفرح للكون .. هذا القمر اقبل


في نظرتك بسمه .. اثر القمر رسمه
من خلي المزيون .. في نظرتك بسمه


لوتطلب عيوني .. والله مايردوني
كل الملا يهون .. لوتطلب عيوني


افديك انا بروحي .. يامالك ٍ روحي
آمر حبيبي تمون .. افديك انا بروحي


ادعي انا ربي .. تسلم لي ياحبي
وتصون قلبي تصون .. ادعي انا ربي


تاريخ: 1993
كلمات: فهد بن خالد
الحان: نبيل شعيل




هموم القلب


احرق هموم القلب وانثر رماده
دامه غدى شوفة حبيبي هقاوي


خلك قبل تجفاه وصلك مناته
واليوم منتب يااريش العين ناوي


عزي لمنهو في ضيع مراده
يطرد سراب ٍ لاح فآرض ٍ خلاوي


وانا تعبت ولا حصلي سعاده
بجبر على فرقاك قلب ٍ شقاوي


لو مالقى في البعد عنك هناته
البعد للمجروح طب ٍ يداوي


تاريخ: 1993
كلمات: فهد بن خالد
الحان: طلال مداح




وادعتني فارقتني


وادعتني .. فارقتني .. قالت لا تهل الدموع
وأنا منك .. وانت مني .. انتظر يوم الرجوع
لا اتشكى لو تعبت وإلا عنيت
قلبي يسمع ياحبيبي لو شكيت


قلت لو طال الصبر .. وطال بعدك أو قصر
بنتظر أحلى خبر .. رجعتك يا أغلى حبيب


لا توادع باللقا .. ما أنسى حبك لا تهقا
حتى لو طال الشقا .. وعني طولت المغيب


كلمات: فهد بن خالد
الحان: طلال مداح
مقام: نهاوند




اطفال


كل القلوب اطفال ... ما به حكي ينقال ..
عن ذيك القــــلوب ..
اللي تحب و تذوب ..
تنجرح بعد الجروح تحب ... ضاع الصدق و الكذب ..


---


ليه القلوب ضعاف ... مثل الورق شفاف ..
بحر و ناخذها بعيد ..
و نصدق الكذبه اكيد ..
رغم انها بالامس جرحها الكـلام ..
رغم انها بالامس عاندها الظلام ..


---


الحب مثل دره في بحر ... و الموج يبعدنا خطر ..
ما نوصل الدره بعيد ..
ما نوصل الدره اكيد ..
و اه يا قلبي انا ..
اه يا قلب العـنا ..
تنجرح و بعد الجروح تحب ... ضاع الصدق و الكذب ..


تاريخ: 2002
كلمات: فهد بن خالد
الحان: طلال مداح




http://69.59.144.138/icon.aspx?i=icon_smile_hearteyesجرح الضميرhttp://69.59.144.138/icon.aspx?i=icon_smile_hearteyes


http://69.59.144.138/icon.aspx?i=icon_smile_hearteyesمثل الضرير .. صبحه غدا ليل و سوادhttp://69.59.144.138/icon.aspx?i=icon_smile_hearteyes
جرح الضمير .. أقسى من الفرقا
عمري اللي راح .. دمعه على الماضي البعيد
هذي الجراح .. تكتب من دموعي قصيد
تكتب و ملتها الحروف ابعد عن عيوني بشوف
هيا الحياة فيها جديد


معذوره الخطوه .. لو تعشق دروب الجراح
معذوره البسمه .. لو تنسى الفرح اللي راح
دمعه ألم هلت على وقتي العنيد .. غير الندم مالي ب هالدنيا عضيد
يرسم من جروحي طيوف .. يسهر معي يمكن يشوف
هيا الحياة فيها جديد


ما أمنعك كان الفراق هو غايتك
وشلي أنا غير العذاب في دنيتك
بودعك وهذي الجروح .. اللي تبي .. اللي تبي
الله معك جرحي أنا .. ماهو بيدي .. ماهو بيدي
وأكتب من احساسي حروف .. ابعد عن عيوني بشوف
هيا الحياة فيها جديد http://69.59.144.138/icon.aspx?i=icon_smile_wailing


تاريخ: 1993
كلمات: فهد بن خالد
الحان: طلال مداح




الله يجيبك


الله يجيبك
يامبعدٍ حيل عني .. ليتك قريب
خل الليالي سعادة .. وينك تعال
العمـر لحظة
لا لا تطول عليا .. لا لا تغيب
البعد والله ماأطيقه .. ماأحلى الوصال
لا شفت زولك
كن الليالي تغني .. جاك الحبيب
أشرق بوجهك عليا .. كافي دلال
حسنك فتني
يسرق عيوني وقلبي .. سحرك غريب
والشعر ليلٍ تموج .. وجفنٍ هـلال
يا نور عيني
كل الجروح القديمة .. لأجلك تطيب
لامن تبسم حجاجك .. مابه مُحال


كلمات: فهد بن خالد
الحان: فلكلور قديم





يا حياة المعنى


يا حياه المعنى شوق قلبي تغنى
للهوى ألف معنى شال بالشوق شيله


جرحك إلي براني بالهوى ما كفاني
ليه خلي جفاني مات بالقلب حيله


حبك إلي في قلبي ليه أداري واخبي
حبك أنتا وحبي للهوى قلت ويله


نظره من عيونك تروي إلي يبونك
قلت ربي يصونك كل يوم وليله


تاريخ: 1993
كلمات: فهد بن خالد
الحان: رابح صقر





يا شوق
ماني على فرقـاك يا شــــوق نـــاوي ... ميـر الزّمـن له وقفـةٍ بيـن الأحــبــاب
يشـهد على ما أقـول قـلبٍ شقـــــاوي ... دمـعٍ نثرتــه بـان من بين الأهـــــداب


كانـك على ذبـح الوفى فينـي قــــاوي ... تذبـح خـفـوق اللي يحبـك ولا تــــــاب
واللي بقـى مـن وقتنــا مـا يســـــاوي ... لحظــة نعانيـها مـن البعــد أغــــراب


لا يا نجــوم الليـــل ماني بهـــــــــاوي ... فرقـى منـاة الروح ولو طالت أسباب
يا ناصحـيـن القلـب ما لــه مـــــداوي ... غيـر الحبيــب اللي لـه القلب طـــلاّب


كلمات: فهد بن خالد
الحان: خالد عبدالرحمن
مقام: بياتي





احبك موت


احبــــــــــك موت في غيابك و اذا شفتك احبـك زود
احبك في ابتسام الوقت و احبك في جفا ايـامي
اشوف النـــــــــــاس لى شفتك اسامي ما لهن وجود
و لا من غبت عن عيني اشوفـــــك طيـف قدامي


ابرحل في سما افكاري و اسكن في العيون السود
ابي اسكن بها لحظة و اروي نـــــــــاظر ظامـي
و انسى ما مضى لاجــــــــلك و بنده عمري المفقود
و اقول العمر لك وحدك و بانسى جرحي الدامي


و بجمع ما بقى من وقت و بصـــــرخ يالهنا موعود
لقيت اللي تمنيته لقيــــــــــتك يا هوى احلامي
و اضمك حيل لا تبعد اخاف ان الـــــــــــزمان يعود
و باخذ عمري الغلا و تـــــــرجع ماضي الامي


تاريخ: 2000
كلمات: فهد بن خالد
الحان: طلال مداح





الا انا


أنا وظــــــــلام الليل ... انطر هواك وســــهيل
يا أجمل ليالي العمر ... يا أعذب حكاية صبر
وقول وين الوعد يا بنت كلن نسى إلا أنا ..


انتي أمل عـمــري... ونتي فرح وجراح
ونتي سبب فرحي... وذكرى غـرام راح
يا اجمل ليالي العمر يا أعذب حكاية صبر
وقول وين الوعد يا بنت كلن نسى إلا أنا


لا تهمسي بقلبي ولاترسلي بسمات
هذا طلب مني وما ظني لي رجـعـة
يا اجمل ليالي العمر يا أعذب حكاية صـــبر
ماقول وين الوعد يا بنت كلن نسى حتى أنا


كلمات: فهد بن خالد
الحان: طلال مداح






يا منى الروح


لا يا منى الروح أنا اغليك بالحيل..
حبك ملك قلبي وفكري غدابه..
أسهر أناجي بالهوا نجمة سهيل..
ولهاجسي الولهان شوقي سرابه..
كانك نويت البعد البعد من غير تعليل..


لا وعذاب القلب لا وعذابه..
دورت لك عذرٍ ولو كان تمثيل..
لاشك نور الشمس شق السحابه..
ياما تحمّلت الشقى والغرابيل..
طول اللحون يضر قوس الربابه


تاريخ: 1994
كلمات: فهد بن خالد
الحان: محمد البلوشي







احبس دموعي


احبس دموعي حبيبي من غلاك
انت دمعه خايف ابكيك وتطيح


يـاحبيب الجـرح اتعبني عنــاك
فــي يدينك قـــلب لكنه جـريح
بنشدك قد صرت نجمٍ في سماك
اومشيت بدرب ماهولي صحيح


جـابني يمـك حنيــني مــانسـاك
قام ينشد عنك شوق بي يصيح
من عذاب البردجيت ابغى دفاك
واثرك بصادق حنينك شحيـح


مايمـــوت القلب لى صــد وجفــاك
مايمـــوت القلب لاكن يستريح
بحبســك مابين جـفنين ولقــاك
لا الـتقى بالعين ملتـاع ومـريح



تاريخ: 2004
كلمات: فهد بن خالد
الحان: محمد شفيق






أنا خنتك نعم خنتك وسريت فشارع مهجور
أضم الليل واثر الليل خطاي وكل زلاتي
أنا كنت الجفا كله انا قلبي ملاه غرور
تخيلت الجفا فرحي تخيلتك معاناتي
ولكن دارت الدنيا انا ادري ان الزمان يدور
لقيت اني انا لحالي وحيد اجمع شتاتي
حقيقه للعما يوم بيشرق في ظلامه نور
لقيت النور في عينك ينادي تيه خطواتي
أجيك وتنده عيونك حبيبي والخطا معذور
تدورلي عذر لو هي تهل الدمع بسكاتي
عطيتيني حنان وعطف وعطيتيني وفا وشعور
عطيتيني أمل وإحساس يرجع كل مافاتي
اجيك بصفحة بيضا بها لجلك بقايا سطور
تقول إني أنا المخطي تقول إن الغدر ماتي
تحبك لهفة عيوني يحبك خافق مكسور
أحبك آخر علومي أحبك يابداياتي




http://dc08.arabsh.com/i/01378/570da9owe6o0.gif


حفظ الله لنا سموه وادمه رمزا للكيان الاهلاوي ....

منقـــــول ..!