انا وصخه وريحتي خايسه بس مو بيدي

السلام عليكم ورحمة الله وبركاته اكيد العنوان يخرع اي والله يابنات هذي سالفتي من يوم انزلت المنحه قلت بروح اشتري غرفة نوم حقي وطيران لضجيج ومع الزحمه يالله لقيت محل يسوي لي وشهرين يالله خلصت والغرفه جت على طلبي بس الطامه الكبرى يابنات تخيلو من شهر اربعه تقريبا اللي طاف لي اليوم وريحت الغرفه حقتي ريحه قويه ريحة لحم تخيلو ريحة لحم مو مطبوخ وصبرت عليها وكل يوم امسحها وابخرها من العود لي الجاوني وماخليت معطر كبت ماحطيته ماكو فايده ريحه ادش بالخشم وتشق الراس شق لدرجة زوجي يقول البس دشداشتي يقولون ريحتك لحم صرت اشوف نفسي وصخه وريحتي خايسه والله ابجي بجي الريحه تضيق الخلق وتجيب النفسيه احترت شنو هذا وليش جذي وشنو الحل ما اقدر اغيرها توها جديده وخسرانه عليها تخيلو امانه اذا جتني طلعه ومفاجأه اطلع البدله واغسلها واكويها بنفس الوقت او ما اروح شي يحير ويحر ويغث