انظروا ماذا نفعل نحن وماذا يفعل الهلال والنصر

<div>بكل صراحة وواقعية والم يعتصرني كتبت كلامي هذا بعد ما شفت كثرة الانتقادات للاعبين وصلت لحد التجريح من بعد الاقلام الملونة العجفاء حتى اصبح بعض جمهور الاتحاد يهرش بما لا يعرف فضلوا وأضلوا بربكم ما هذا الكلام الدخيل على نادينا ( اللاعبين عواجيز , كبار السن , الاحلال ) احد الافراد نزل موضوع بهذا الخصوص وانا اقول له فالاحلال ياتي بالحلول بس بدون تجريح في بعض اللاعبين وتهميش ادوارهم و كلامك حلووو ومنطقي نوعا ما بس اخالفك الرأي في الأعمار أنا اتمنى من جمهور الاتحاد يكون واعي ولا يقول كلام وهو اصلا مو مقتنع منه يا اخي اتركوا اللاعبين في حالهم وبعدين الأعمار هذه اللي تتكلم عنها هم اللي اوصلوكم لأبطال اسيا ومازالوا يواصلون مستويات جيدة يوصلوا لنصف النهائي ويبدعوا بينما الاعمار الصغيرة نايمين ولا هم قادرين يوصلون لثمن النهائي ولنا في الاندية الاخرى مثال يتمنون ان يعطونا شبابهم ونعطيهم ( عواجيزنا ) كما تقولون .
بالله عليكم لاعب كل مباراة تنتقدوه وتحطموه انه كبير في السن كيف تبغوه يعطيكم مستوى وانتم بعد كل مباراة تطالبون الادارة بقطع رزقه وانه شايب وما شابه ذلك .
ثانيا عيب في تاريخكم يا جمهور العميد تحاربون اللعيبه اللي ضحوا من اجل الكيان واصبحوا اسطورة متى تقتدوا بجمهور النصر والهلال روحوا شوفوا ماجد عبد الله كم كان عمره يوم اعتزل وهل جمهور النصر فعل مثل فوضاكم وطالب بتغييره , بل انهم طالبوه بالبقاء . وكذا الحال في الهلال مع سامي الجابر روحو شوفوا كم كان عمره يوم اعتزل ونفس الشيء الجمهور الهلالي مجده وشكره هذا كله صار معاهم بالرغم انهم ما قدموا لانديتهم الشيء اللي قدمه محمد نوووور لكم ومع ذلك تنتقدوه وتطالبوه بالرحيل هل هانت العشرة ام ما ذا يا جمهور الذهب .
والله عيب في تاريخنا نسوي
احنا كذا بنفتح باب لأي لاعب بالخروج من النادي بمجرد ما يفكر بمصير محمد نور ونهايته بيقول في نفسه اذا كان محمد نور قدم وقدم وضحى وفي النهايه جحدوه فانا اتعب نفسي على النادي وفي النهاية يعاملوني مثله وينسووو كل جميلي ليش فيفكر انه ينقل من النادي مع اول عرض يجيه
اصحوا يا جمهور الذهب لاتكونوا مثل بعض اعضاء الشرف المختلفين مع بعضهم اقسم بالله لو كان نووور هلالي او نصراوي وقدم كل اللي قدمه للاتحاد للنصر او للهلال كان تغنوا باسمه ليل نهار بل ربما عملوا له تمثال كتمثال الحرية.
المعذرة على الاطاله
فضلا لا أمرا اذا اعجبك الموضوع فاترك تقييمك , واذا لم يعجبك فمن حقك تنتقدني فاختلاف الراي لا يفسد للود قضية .