حامل وشفت رضيعين يشنقون نفسهم بملابسي (خايفه )

السلام عليكم

حياتي أنا متزوجه وعندي ولد تو عمره تسع اشهر
وحامل بالشهر الثامن

حالتي الزوجيه زينه ومستقره

ملتزمه وما احب اطالع تلفزيون ولا اغاني ومحتشمه بلبسي وواعظه اعطي دروس دينيه ودورات حياتيه

حلمي الله يسلمج

حلمت بطفلين تو مولودين بس حلوين ومربربين يعني شوي مليانين ماعليهم الا حفاظه بيضا بس

شفت انهم معلقين نفسهم وشانقين عمرهم بلبسي الداخلي ( اسفه اسمحيلي افصل القطعتين الداخليه
وشكلهم اللبس متعلق عالطوفه ومدخل راسه واحد منهم والثاني تحته هم مدخل نفسه بالقطعه الثانيه وماتوا وشكلهم حلوو مبتسمين

طلعت لقيت انه واحد خلاص مات وامسك الثاني بلحق عليه بحاول اردله الحياة وانفخ في فمه عشان اعطيه اكسجين وسلامتج
قمت من حلمي

كنت قبلها احاول انام ماقدرت ونمت شوي بس وقمت ع اذان الفجر الأول

واول مره بحياتي ابكي واخاف من حلم خفت ان الله سبحانه يعاقبني او جزا ذنب مادريت عنه ..

وخفت انه شي يخص الي في بطني مدري ياخواتي اعينوني والعلم عند الله..