مقارنة عامة بين اللكزس Ls430 موديل 2004 والفياغرا المرسيديس 500
مرحبا ياشباب ودي نسوي مقارنه عامه بين هذه السيارتين اللكزس 430 السيدان والفياغرا 500 طبعا نبدأ اولا بالسعر نلقى ان الفياغرا 500 سعره 390 الف ريال أما الفياغرا 350 فسعره 295 الف ريال وبالنسبة للمواصفات طبعا الملاحظ ان اللكزس انعم بمراحل عن الفياغرا في الخط وحتى المقاعد أكثر راحه من الفياغرا ونظام الشاشه باللكزس ذكي جدا ويتكلم باللغه العربيه بنظام اللمس والجديد المميز باللكزس هو نظام التعليق الفريد من نوعه والذي يتلائم مع اقصى ظروف الطرق ونظام السرعات الست الاتوماتيكيه يعطي دفعه اقوى للسياره واكثر هدوء ولاتنسون ياشباب العزل الصوتي ان اللكزس افضل سياره بالعالم من ناحية العزل الصوتي والضجيج الخارجي حيث انك تحس بداخل مقصوره فخمه مثل الزوجه الجميله اللي تغمرك بحنانها ورقتها000 وبصراحه تقريبا هذا اللي اعرفه والانسان بيني وبينكم لازم يفكر بالسياره من الناحيه العمليه وتعرفون ان اللكزس حق فخامه ومشاوير خط وكرف ولا يشتكي من اي تصليحات او اعطال يعني سياره لك وللزمن ومن ناحية الحفاظ على السعر فاللكزس يحافظ على سعره حتى ما بعد البيع وتلاحظون ان الفرق بالسعر بين السيارتين اكثر من 100 الف ريال رغم ان المواصفات متقاربه واللكزس افضل برأيي الشخصي ولو تلاحظون جميع العيوب اللي كانت بموديل 2003 عدلوها بموديل 2004 من حيث شكل الجنوط وكبر حجمها والشاشه والخلفيه والانوار اللي صارت تتحرك مع المنعطفات بس بيني وبينكم الناس عندها تعصب للفياغرا كأسم وسمعه لانه فقط الماني واللكزس ياباني وصدقوني اتوقع الشكل الجديد موديل 2006 راح يواجه البيئم دبليو وراح تتذكرون كلامي واللي عنده وجهات نظر يذكرها مع تحياتي للجميع.
