حافه السطح ..

السلام عليكم ورحمه الله وبركاته
ومبرووك عليكم قسم الاحلام ويارب يعطيكم العافيه على المجهود اللي تبذلونه
وجزاكم الله خيرا

ياطويله العمرحلمت اني في بيت اهلي بس غير شويه عن الطبيعه
وانه حرمه ابوي ويانا تاكل وانا شليت الصحون جان استوعب انه حرمه ابوي يايه عندنا تتعشى قلت اكيد رضت اتيي عندنا
وبعدين تغير الحلم كنا قاعدين ودشوا علينا حريم اخواني حرمه اخوي العود عندها في الحلم ولدين اصغارسنه و3 سنين ؟؟(في الحقيقه عندها ولد واربع بنات واصغرهم بنت سنه وشي
وحرمه اخوي الصغير شاله ولدها بس في الحلم عمره سنتين تقريبا (في الحقيقه عمره سته شهور )
المهم انه ولد اخوي الصغير يييت اشله جان يصيح وانا اقوول بعدك صياح وجان اعطيه امه واشوفه لابس على ذراعه من فوق نفس السلسله فيها فصوص اقول في خاطري شو ملبستنه هذا هذا مال بناات؟؟
وقبل ماوديه عند امه في ريوله شي نفس السلسله بس جان تتعلق في الزوليه وشليتها قلت ويي انكسرت وانا اتحراه تبطل واعطيه امه ...
واقول في خاطري مب جنه حرمه اخوي ماسلمت علي.
وحرمه اخوي الثانيه
اسالهم تعالو شو اسم ولدج الصغير والا
محد يرد عليه واقول شو اسمه مستغرريين اني ماعرف اسمه اسال
اخوي العود مايرد مشغول يعدل شي فوق,,, و امي تجهز ويا الخدم حق
الشوي بيسون شوارما؟
والخدامات يحركون الجمر بايديهم وحرمه اخوي مستغربه اتقول خالو مايحرقهم ردت امي متعودين؟
واسال امي حسيتها مضايقه كيف ماعرف اسمه..
بعدين قلت ليش اسالكم بسال اخوه اللي اكبر منه بشوي قلت شو اسمه
قالي اسمه كبير قلت كبير ؟؟
استغربت من الاسم :eh_s(10):
رايحه لاخوي وقمت شليت الصغير وطلعت اتمشى فوق السطح
والا اشوف مثل الحديقه فوق السطح يعني اشجار واخوي كان مفتح الماي للزرع
ومشيت اشوي فجاه الا اشوف نفسي على حافه السطح حسيت اني بطيح
خفت قلت انا مب مشكله بس الولد اللي شالته..
وصار السطح يزلق وصار تحتي ماي وطين والا طالع اشوف بلك كهربا يشغل الماي..والماي يدفعني واناالمهم فريت الياهل على الحافه عشان مايطيح وياي ومسكت واير الكهربا اقول في خاطري لو اتشوط المهم اطلع وتبطل البلك عن الكهربا خف الماي شوي
وانا احاول اتقبض باي شي ماقدر جان اشوف ثلاث جذوع شجرعند بعض الاولى
وسط والثانيه ضعيفه وطوابيق مصفوفه بس مب مثبته وجذع ثالث يعني وسط واحاول امسكه اخاف تنجلع الجذور بس مسكت الجذع الثالث حسيته قوي شوي..
ووبعدين طلعت وركبت البلك مكانه ورد الماي نفس جدول الصغير ..وم يت الصوب الثاني قلت اخوي معدل الطوابيق مسويه على شكل دري صغير فطلعت عليه بامان ومبلله ماي اقول لو ادري جان يييت هالصوب..
وجان اشيل الياهل وورحت صوب امي ابا اخبرها باللي صار
جان اتشوفني امي شوهذا متببلله انتي والياهل
وقالت شوهاسلسلتج انقط,,,,ماكملت كلامها جان اقوم من الحلم على اتصال امي تخبرني اختج تعبانه وايد؟؟
حلمته الصبح اليوم
ساعه تسع
الحمدلله ملتزمه ومتزوجه بس ماعندي اعيال
وماكنت افكر بشي قبل ماانام
اللهم اجعله خير يارب
ويزاج الله كل خير
وبارك الله فيكم
وسدد الله خطاكم