اتركو العاطفه لنبني إتحاد المستقبل
بعد التحيه والسلام
الكتاب واضح من عنوانه لذلك لابد من الحل ملينا من كثر المجامله والمكابرة على لاعبين لاينفعون النادي في الفتره الحاليه والمستقبليه وهذا حالك يا عميد
كل ما فاز الفريق في مبارة طلع اللاعبين يقولون شوفو يقولون عنا عواجيز وشوفتونا في الملعب وهذا حالك ياعميد
هل تعلمون من اوصل لاعبينا للمرحلة هذي نحن ياجمهور الاتحاد المكابر وبقووووه نكابر على فريق لو جينا نقارنه بالنصر اللي نشمت فيه لا يوجد مقارنه ولكن الفرق في التهيئه من قبل النصراويين وهذا حالك ياعميد
أين العناصر الشابه كل يوم نشوف وعود وكذب على دقون مايدرون انا وصلنا 2012 وصرنا فاهمين كل شي لاعبين وشخصيات عميله واذناب تقودنا للهاويه على حساب مصالح شخصيه واغراض دونيه ومين يطلع اسمه ومين يدعم وهذا حالك ياعميد
حان التغيير: مبروك +تكر + منتشري + الصقري + الراشد + مناف +ويندل +العنزي +باولو وياليت اذا هزازي مارح يصير رجال يطردون بعد معهم
من متى والاتحاد ينهزم من التعاون والفتح وووووو مع احترامي للكل هذا يدل على ان لدينا اسماء واجسام بلا روح في الملعب وتوضيف خاطئ لبعض اللاعبين والبعض منتهي الصلاحيه وهذا حالك ياعميد
ايام المرزوقي وعشان الفريق خسر اسيا قومنا الدنيا وقعدناها واتوقع ان الدول المجاوره مثل مصر وليبيا وسوريا اتبعت سياسة الاتحاد وكيف تم اسقاط المرزوقي ونجحت في اسقاط حكامها
سبينا امه وابوه واهله وصلنا لمقر عمله وانواع التهديد والازعاج مع انه انجح رئيس متفق عليه الكل ولكن جمهور عاطفي وجمهور مكابر على عواجيز ماتو وانقضو واعتزلو واكلهم الدود اللاعبين اللي كانو معهم بالفرق الاخرى والى الحين موجودين حتى ضروف الدنيا مانفعت فيهم استغفر الله واتوقع تحويل النادي الى متحف وليس نادي وهذا حالك ياعميد
بن داخل استبشرنا فيك خير وقلنا الرجال نضامي وعسكري وشكله بيطبق النضضام فقط في العمر التقاعد على 52 سنه
فكر فقط لا يوجد شخصية الرئيس والرجال مفلس من يوم تخلو عنه الشله المطبله له ايام الانتخابات ولكن حسبك الله على من ظمك مع الاتحاد يا ابن داخل والله انك في ورطه وهذا حالك يا رئيس
الدوري مو مهم اهم شيء سمعة الفريق والاهم انا مانجلس ملطشه للفرق الصغيره كل ما قابلنا فريق عطانا المقسوم ورحنا
الحل ظايع كل يوم نبحث عن حل وكل موسم واحنا نرجع ندور لحل لكوارث الكيان حتى الحل تعب منا وطفش لا يجينا مشكلتنا لو فزنا مباراة او ثنتين نرجع ونكابر ونضحك على انفسنا وهذا حالك يا عميد
مشكلتنا انا صرنا مثل النصر في السابق ننضر للانديه اللي جنبنا وحوالينا ونضحك على الاخرين وجبنا العيد في انفسنا والحين والله العضيم احنا الفقراويه وهذا حالك ياعميد
رسالة للجمهور الاتحادي ابو ثامر يسلم عليكم ويقول شيلوني من تفكيركم ومن رجوعي للاتحاد وهذا حالك ياعنيد
أيــــــــــه يا عميد الله يصلح حالك ويزين اوضاعك ولا لنا الا الصبر لانه الاتحاد الان ماله حل ماله حل
:::05::::::05::::::05:::
