شعر محمد مريبيد العازمي - منقوووووووووووووووووووووو ل -

شعر محمد مريبيد العازمي - منقوووووووووووووووووووووو ل -

تجمعنا على وضح النقا من كل حدب وصوب
وكلن يسرج خيوله وكلن يشعب اركابه

جعلنا الله من عدة قبائل واختلاف شعوب
وجينا للمكان اللي عقيد القوم غنابه

حضرنا كلنا اخوان لاغالب ولا مغلوب
حرار كل واحد لا انتهض عشاه مخلابه

احد يكتب على البحر الطويل ويترك المسحوب
واحد يكتب على بحر الهجيني ويتورابه

واحد يحدي حدا واحد على المنكوس نوب ونوب
يغنيله على طاروق شعبي لحن وجابه

سطع نجم وافل نجم وبقى وجه القصيد ينوب
وسرنا والسهوم مقدره والدرب متشابه

يجمعنا هدف واحد وكلن له نمط واسلوب
على باب الكريم اللي مشرع بالسما بابه

هدفنا الشعر ماغيره وبيته ها هنا منصوب
يمر الوقت ما هزت هبوب الغربي اطنابه

لو انه مر في صورة غريب(ن) عارضه مشحوب
لكنه في وجية اللي رموا به كشر انيابه

ملاذ اجيالنا لانه بعد شمس الشروق غروب
وتراث اسلافنا حنا بهذا الوقت اولى به

نقدنا وانتقدنا واستفدنا والخطا محسوب
وكلن من هذولا بالمواجه نحسب حسابه

لأن النقد شي(ن) سهل والشاعر كثير عيوب
امبركها وسوق الشعر سوامه وجلابه

لكن اكبر فخر اننا كسبنا بالحياه قلوب
وقنعنا والقناعه كنز والأذواق غلابه

واذا عين السخط تقرا الكلام الصح بالمقلوب
مابي عين الرضا تقرا الخطا صايب وترضى به

صحيح اني اجابه وقت واكتم سر وارفى ثوب
وكثير اللي تنكر لي وانا اللي كاسب اعجابه

لكن حبلي رهاوي والردي حبله معي مكروب
واذا يغتابني في غيبتي مانيب مغتابه

على الله يالغيوم الراعده والبارق المشبوب
تعدى شرق وتهل المطر وتحدر اشعابه

على دارن اسوقلها المطايا وانتهجها دروب
وقلبي فيه شي من الغرام وشي ينتابه

انا ياللي عزمت اتوب عنك ولاقدرت اتوب
بعد سالت بساتين الغلا واخضرت اعشابه

قسم بالله لوتدري وش اللي بالورق مكتوب
قصيد(ن) تسمعه دايم ولاتدري وش اسبابه

لتكسب من وراي ذنوب واكسب من وراك ذنوب
وخلق الله لها خوخه ورمانه وعنابه

ولايمكن افسر لك شطر يالجادل الرعبوب
كن صفق مع العالم وخل السيف بجرابه

لأني مابني بيوت القصايد طوب فوقه طوب
اذا ماهوب ضد التعريه لايمكن اشقابه

والا ياليت صبري في غيابك مثل صبر ايوب
لأنه ما ينقص من غلا الغالي سوى غيابه