أول مشاركه (( للتمساح)) ويتوقع ان تكون أخر مشاركه
بسم الله بعد التحيه الى الاخوان الاعضاء ودي ان اذكر لكم أسلوب حلوو في التعامل مع المنتدى
وهو اسلوب التمساح
بس اسمعوا لا احد يجيب خبر للمشرف اني انا اللي قائلا له هذا الاسلوب
ولا مشرف يدري بيني وبينكم
والاسلوب كالاتي
كيف ترفع ضغط المشرفين
تدرون يا اعضاء كيف ترفعون ضغط المشرفين ؟ اتبعوا الآتي :
عزيزي العضـو المشاكس اللي وده يرفــع ضغــط المشرفيــن... يتبـع التعليمــات التاليــه وسيجـد نفســه مطــرود مع التحيه ...........
ماعليك الا انك تنظف اذانك وتفتح معاي عدل .. وانا اظمن لك كل شي مع قطع الغيار ,,
وكــل شي موضـح بالأمثــله لتسهيــل استخـدامهــا:
<< نحــن في خــدمــة الشعـــب
______________________________
__________
أدخــل اي منتدى واكتب أي موضــوع ماله دخــل في هالمنتدى >> الموضوع في وادي والمنتدى في وادي,,
مثال >> اكتب موضوع رياضي في منتدى الشعر
ويفضــل لو تكتـب عليه (( ارجــوا التثبيـت )) يكون لها طعم احسن
-------------------
2) خـذ لك موضـوع توه جـديد من أي منتدى >>> انسخـه واكتبـه بإسمك مره ثانيه في نفس المنتدى ,,
ويفضــل تكتب عليـه ((( فكــره جديــده )))
<< هينا المشــرف بيدوخ.... مايدري وين المكـرر عشــان يحــذفه >>
-------------------
3) لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم إذا ماعطوك وجه ؟؟
<< صدقني اذا ماقالوا لك اقلب وجهك ... اضمن لك بيرقونك إلى (عضـو رزّه)
-------------------
4) اكتب موضوع في منتدى الشكـاوي والإقتراحــات (( إلحقوني ياشباب )) >> طبعـا بيجيك المشرف طاير
واكتب في الموضوع (( واحــد صفــر )) و عدالها صـوره واحــد يضحــك ,,
-------------------
5) شكّك في أي موضوع يـطرح في المنتدى .. في كل موضوع قل (( كأني شايفه في منتدى ثاني))
<< خلي العالم تــفهم أنه مسروق>>
-------------------
6) ادخل على أي موضوع مثبت ... وأكتب عليه للرفع,,
<< في هـذي احسن لك تطلع بالدسّة و تحافظ على كرامتك قبل مايقطعونك>>
-------------------
7) حاول ترد على المواضيع القدييييييمه >> طلع الغبار >>
والجديده خلها تنزل ,,
<< كذا تقلب القسم حقه فوق تحت >>
------------------
8) شوف لك مشرف أو مشرفه وتلزق فيه.........كل يوم إرسله رسائل خاصه تقـول له
اشرايك في ذاك الموضــوع ... احـس انه مو حلو احذفه الله يخليك ,, ولا ذاك الموضـوع رهيـب ثبته الله يخليك,,
<< هينا المشـرف يكره اليوم اللي خلـوه فيه مشــرف
-----------------
9) دقق في إملاءات المشرفين... ورد عليهم فقط لتصحيح الإملاء ولا تجيب طاري الموضوع,,,
-----------------
وعندما تصـل حالة تهـورك إلى درجــة الغليــان فما عليك سوى :
10) عند تعيين أي مشرف جـديد ... أبدا بالكلام عن الواسطة وأنه ما يستاهل ولمح أن الإدارة ما عندها سالفة ,,
>> هــذي تغنيــك عن كل الوســائل اللي راحــت ونسبة نجاحها مليون بالمية و مطرود بالعجرى
أرجو من المشرفين أنا يتقبلونها بروح رياضية و بدون زعل >> تراني أسولف..
و هالموضوع فقط للتسلية واللي يطبقة ياويله وأنا رافع ايدي عن مسؤليته....
منقووووووووووووول........
:سعد::سعد:
