خلاص قرر يطلقني دعواتكم لي

توني ماكملت ثلاث شهور زوجي قرر يطلقني
نزلني عند اهلي وراح توقعت عادي بيرد ياخذني عقب ادق عليه ثاني يوم قال يابنت الحلال انا مو مرتاح واحنا مابيننا قبول وانا استخرت وقررت انفصل عنج
بنات تعبانه نفسيتي شسوي واهو الحين مايرد علي ودق على اخوي امس وقال له خلاص بطلقها اخوي اساله شفت منها شي قال لا بالعكس ماشفت منها الا كل خير بس انا مو مرتاح وكارهه الشقه ونفسيتي تعبانه
بنات ماراح اجذب واقول اني اموت فيه واحبه للحين مشاعري ماصارت قويه تجاهه بس مابي اصير مطلقه خاصه انه مصلي ومسمي ومايطوف صلاة المسجد
توقعون ليش سوى جذي انا الحمدلله حلوة وجسمي حلو
طيب اذا مافيه قبول ليش ماقال من البدايه
في البدايه كان يقول لي انتي ماتبيني ماتحبيني لاني كنت مستحيه وجذي وبعدين حاولت اغير بنفسي صرت اطرش له مسجات واغير بغرفه النوم ووورود ورومانسيات وهدايا وبينت له مشاعري وصرت اهتم فيه وماعجبه يقول انتي بهالطريقه عبالج بتملكيني وتدوسين على راسي ماعرفت له
بنات توقعون فيه شي يعني نفسيه وجذي لانه كان يكلمني طبيعي وسوالف وضحك وثاني يوم معصب ويبي ينفصل طيب ليش
لاحول ولاقوة الا بالله
الله يعوضني خير يارب دعواتكم لي