تكفون ساعدوني صرت زيبرا

تكرمون عن الزيبرا

بس بنات والله العظيم انا تعقدت خلاص مو قادرة :eh_s(2): مشكلتي بلشت من مراهقتي انا كنت ضعيفه مو ضعيفه وبس إلا قولوا شديدة النحافه وهالسبب خلا جسمي بشرتي تتشقق


نفس الارض الطينية اذا جف الماي عنها تتشقق :(

انا يا خواتي جسمي صاير كله ستريج ماركز :eh_s(2):
تعبت والله وكل ما اضغط ايدي واسحب الجلد اشوف طبقات الخطوط تطلع
اهيه طبيعيا واضحه وضوح الشمس لكن لمن اسحب جلدي اشوف هالخطوط مو طبيعيه صج جنه جلدي مشقوق وملزق ومرقع ببجي من القهر

استمريت فترة طويله ابي علاج مو عارفه شسوي :(
استملت تقريبا كل شئ حتى زبدة الشيا الخالصة ( بيور ) استعملتها ما تغير شئ :eh_s(2):

تكفون ساعدوني شسوي

اروح عيادة ؟
سمعت يقولون يصير بالليزر ؟ شلون يصير بالليزر ؟
وسمعت يقولون لا (بالكربون دايوكسايد) يعني ثاني اكسيد الكربون

تكفون يا بنات والله ما اعرف شنو الحل

بس ابي شغله ابي الخطوط تختفي وبنسبة 100% وإلى الأبد
ساعدوني تكفون واذا غفلت عن شئ نبهوني
وين هالعيادات وعند منو اروح وشنو العملية الي اسويها وهل اهيه مكلفة وجم تقريبا سعرها وجم جلسه والله حدي خايفه وهل فيه عوار ومدة العلاج جم وفيه نصايح ثانية بعد

اللهم لا أسألك رد القضاء ولكني أسألك اللطف فيه
بنات ابي اتعالج هالمشكلة سببت لي أزمه نفسية

تكفون يا خواتي انا شادة الهمه فيهم وبخبراتكم فلوسي طارت على المنتجات والخرابيط
انا آخر حل قلت بسوي اني اروح عيادة
بس ابي شوركم والي عندها تجربة مثلي تقولي أو تجربة رفيجتها ولا اختها

سوري طولت عليكم الموضوع بس والله فضفضت قهر :eh_s(2):