اختي عبير عندي استفسار جزاج الله خير

السلام عليكم اشلونج اختي عبير حبيت استفسر عن حلم فسرتيه لي
الحلم :
حلمت انه قاعده في بيت له دريشه وانا قاعده عند الدريشه الي بالصاله وقدامي رفيجاتي الي بصفي ثنتين يسولفون علي وانا اضحك معاهم ولا جنا ابوي ناداني وقعدنا على الكراسي ولا يقولي اليوم موعدج عند دكتوري للاسنان وقال تراج تزوجتي انا ماستغربت كان الوضع عادي قلت فشله اروح عند دكتوري بعدين بيعرف اني توني تزوجت وسكت عاد صعدت فوق بالصاله ولا خالاتي قاعدات كم وحده ولا اشوف زوجي بس مو من اهلنا مانعرفه واسكت لاني كنت خايفه واقعد بعدها كنت بالصاله ولا اروح اجيب لي بطانيه ومخده بنسدح بالصاله يوم حطيت البطانيه والمخده مادريت فيه الا انه جايني وانا بعدت مخدتي وبطانيتي عنه ولا هو قرب مني بعدين صار بينا كنت اتألم ولا قال امشي ندخل الغرفه وادخل الغرفه الا فيه سرير لاكن لنفر واحد ولا جيت وقفت عند السرير ولا قالي لا وجاب اختي اصغر مني اسرار وحطها على السرير طالعتها ولا يقوم يحط فراشنا بالارض وانا ماني قادره اتحمل عوار يالله واقفه وكنت لابسه قميص قصير لي الركبه ابيض ولا ادور على المنظره ولا اشوف قميصي من ورا بقعه دم مدوره كبيره واقوم بسرعه اغير ملابسي واروح ادور لي من الدرج حبه مسكن ولا امي تطل علي شفيج من برا قلت لا مافيني شي بس علي الدوره وابي انزل لابوي ولا قال وين بتروحين قلت عندي موعد بروح مع ابوي وقمت من النوم .*
الحمدلله ملتزمه _ مومتزوجه**
*كنت نايمه ولا افكر بشئ من الي بالحلم نهائيا
فسرتيه : زواج لك والله اعلم .
حبيت اسأل ماله تفسير غير الزواج وشنو معنى يوم ابوي يقول اليوم موعدج عند الدكتور ، والصاله الي كنا قاعدين فيها انا و خالاتي وزوجي هي بالحقيقه صاله جدتي بس بالحلم بيتنا مو بيت جدتي .*