الموضوع مفتوح للنقاش ، عن مشرفات القسم وخصوصا جاتيم

اتمنى من المشرفة تترك الموضوع كم يوم

اولا انا مو محامية لجاتيم ولغيرها
انا مجرد عضوة كنت متواجدة بها القسم فترة طويلة

طبعا في عضوات جدد مسجلين بالمنتدى وزعلانين شوي من جاتيم وينزلون كلام تراه جارح

وكانكم تلمحون ان المشرفه حذفت مواضيعكم لغاية في نفسها
!!!!

وفي ردود صراحه وايد اوفر مثلا الي بتفرش سجادتها في كل صلاة لاجل تدعي على جاتيم انها حذفت موضوعها !!!

(تخيلي شكلج بس وانتي رافعه يدج جي :yaaaaaarb:
يارب انتقم من جاتيم تراها حذفت موضوعي عن كيم الكافرة
موضوعي الي احصل من وراه اثم ....
والخ من الدعاوي والي ماتخلص ...


ترى انا حاسه فيكم لان ياماااا انحذفت مواضيعي وانقهرت بعدها لما اكلم المشرفه واعرف غلطي اسكت .


طبعا في بنات اشتكوا علي عند بنت الكويت لاني كنت اتكلم واقول فلانه ترى موضوعج مكرر !!
مع ان غيري يقولها ...


المهم ماعلينا الموضوع ياطويلات العمر انتوا زعلانين على مواضيعكم

ازين قبل لاتعبين نفسج بالساعات وانتي تجمعين الصور ليش ماتكتبين في البحث اسم موضوعج ! او اسم الفنانه لاجل تتاكدين موجودة او لا !

ماتعرفين كتبي في غوغل مثلا ( مهرجان دبي ... كويتيات لوكات )

وراح تطلع لج كل المواضيع وتقدرين بعد تحطين الفترة مثلا سنة او شهر او حتى اسبوع ...


ترى السالفه ما تسوى انكم تجرحون المشرفه لاجل موضوع !

ومايسوى تشيلون بقلوبكم عشان كم صورة

القوانين تمشي على الكل حتى انا انحذفت لي مواضيع لان ماظللت وياما صارت حروب عالمية في هالقسم وتسكر لان كان مختبص فوق تحت

واللحين افتحوه والمشرفات شايلينه وبالذات جاتيم لانها متواجده طول الوقت وجم مرة تنزل موضوع وتكلمكم !

تبوون القسم يتسكر مرة ثانية ، تبون كله مواضيع مكررة ، تبون هواش ومذابح وفتن !

والي تقول كا فلانه ما انحذف موضوعها وهو مكرر ، نسخي رابط موضوع البنت ودزيه للمشرفه

المهم انا مو فاتحه الموضوع للهاواش

الي عندها شكوى او حجه تتفضل واتمنى من العضوات القديمات يوضحون لها ...

لانهم ادرى بمواضيع القسم