حلم حلم ارجو من الاخت (( عبير )) تفسيره

السلام عليكم شلونج اختي عبيرالرؤيا لاختي الكبيرة وساتكلم على لسانها لاني ماعرف اكتب بصيغة ( هي)


رايت في منامي رؤيا غريبة والغرابة تكمن في الناس اللي فيها وهم صديقاتي من ايام الدراسة يعني الناس جدا جدا قديييمييييين والله ما ادري عنهم شي ولا فكرت فيهم حتى اني قمت من النوم وقلت يا اللــــه شخبارج يا غادة ( وهي اللي شفتها في الحلم وسبحان الله نفس الملابس ونفس الوجه ونفس الشكل كل البنات اللي شفتهم )


الرؤيا حتى لا اطول عليج


حلمت اني بمدرستي بالمتوسطة لكن مريول المدرسة كان المرحلة الثانوية وكنت في ساحة المدرسة واذا اشوف كل الطالبات زميلاتي في الثانوية سبحان الله مثل اشكالهم بحجاباتهن وملابسهن وملامحهن , وانا مريت بجانب وحده كانت معي بالثانوية اسمها دانة فقطت علي كلمة ( نغزة ) لكني حقرتها ومشيت ولا اهتميت لها وانا امشي والا انصدم من شوفة صديقتي ( غادة ) اللي انا اصلا ناسيتها من تخرجنا من الثانوية من 16 سنة واضمها حييييل وابكييي ابكي حيييل واقول اسمها غاادة جان اطالعها ونبتسم ومسكت يدهها ورحنا للساحة الخلفية وكان فيها عشب اخضر وفيها ارنبين بيضان ولكن كانوا ضخاام بضخامة القط وجو ناحيتنا البنات خافوا وبدو يصارخون لكن مو الصراخ القوي صراخ البنات اللي يستعبطون انهم خايفين لكن انا ماخفت لاني حسيت اني شفت هذا الارنب من قبل لكني استغربت من ضخامة شكله وشافني الارنب وجاء يركض صوبي واستيقظت من النوم وانا افكر في غادة شلوون جتني بالمنام سببحان الله



بيانت اختي غير متزوجه تنطر وظيفة


هذا الحلم لي


حلمت اني اكل مفروكة بالدجاج (الدجاج محشى بالمفروكة )وكنت اكل صوب الفخذ المحشى وكانت معاي وحده اسمها شيخة وهي حماة اختي لكن ما كملت لان كان الفخذ مسكر بكيس نايلون وقمت ورحت صوب مكان مثل الدرب على الجانب كان في باب وكانتالاضاءة خفيفة يعني شوي ظلمة وشوي نور اللمبة واذا اشوف الفنان ناصر القصبي لكن شافني وانصدم من شكلي ولمن طالعت نفسي بالمراية والا شعري ( كشششششة ) شوشة سودة انا انحرججججججت وخشيت وجهي لا يشوفه الفنان وصرت اركض منحرجة .


بياناتي غير متزوجه