,,
إنتا وأنا
طاب الزمان وزاده الوقت بسرور
والنفس طابت والعطايا تباشير
دامك معي ماهمني ناس وحضور
إنت الذي لا شفت زولك أنا بخير
لو البشر تصطف طابور طابور
ما همني كثر البشر والطوابير
انتا وأنا والحب قادر ومقدور
اقلوبنا قادت خطاها المقادير
يا سعدنا والسعد تاسع به صدور
اصدور ما يعرف لها الهم تصدير
ما تسمع اللاشي ولا لاشي يشور
وإن جا رجع جاله من الجو تدمير
اثنين جمعنا الهوى جمع محكور
مثل الربيع محكِّر الشاي تحكير
لو قال قايل قول من قال مقهور
معذور لجله شاف توليفةٍ غير
معذور يا اللي نظرتك كلها قصور
لجل الكماله لو تجي منك تقصير
واللي يظن إن الهوى لو بنا جسور
ياقف .. ترى ما للهوى طب تجسير
ليت الزمن ياقف وتمضي بنا شهور
تمضي ونمضي لكن العمر ما يدير
الراقي,
,,
أرجو أن تحوز على رضاكم.......
الراقي,
.
