سر الثلاث شهور

السلام عليكم

قصتي والخدم واللي ماااااااااااااااااااااااا اااااالها حل
عندي ولد اسم الله عليه عمره 8 شهور وبالسابع لما كنت حامل فيه قدمت استقالتي من الدوام علشان أجابله بعد خدمة طوييييييييييييلة وفرقاهم عيييييييييييييييييييد
المهم من حملت طلبت خدامة عن طريق خدامة أختي يعني عقد خاص كلفتني 400 دينار بس عن طريق مكتب خدم وجنسيتها فلبينية كنت مستانسة بحمالي وما عندي وقت أفتر أدور لي فأختي ( الله يسااااااااااااااااااااااا ااااااااااامحها ) انصحتني ببنت خالة خدامتها اللي صار لها عندها 4 سنوات ( علبو ثقة )
وصلت لي بـ 35 يوم بالضبط ومو مشتغلة من قبل متزوجة وعندها عيال كبار
طبعا علت قلبي بالتعليم وكنت حامل أتنسى ماااااااااااااالي خلق نفسي
احرقت لي الغسالة والله العظيم من ثاني يوم وصلت مع إني حذرتها لا تلمسين الأجهزة بس ماكو فايدة
ماكانت شاطرة غير بالبجي واتذكر عيالها يابت لي الكآبة
وشكيت الحال لريلي بعد عمري وقال إنتي صاحبة القرار وكيفج عاد قررت أبيعها بعد معاناة 3 شهوووووور بالضبط
طبعا بطلعة الروح انباعت فرت على 13 بيت لين ما استقرت بمكان كانت ماتبي بيت فيه يهال حمدت ربي وقلت أشوه افتكيت منها قبل ولادتي وطلبت غيرها ما لقيت بالمكاتب إلا جم وحدة حزتها كانوا عملة نادرة هذا بشهر 3 - 2011
المهم هالمرة قررت آخذ وحدة خبرة واللي عجبتني أفضل الأسوأ وحدة خبرة بلبنان سنتين ولأني حامل ووصلت تقريبا للرابع خذيتها وشهرين ونص لين ما وصلت كنت بالسابع وحايشتني طلوق مبكرة
يعني مالي خلق أدقق على شغلها من قلب باختصار طلعت تدخن وما تتسبح وشغلها أي كلام طبعا فلبينية وكل تسألني الريال الكويتي يقدر يتزوج فلبينية؟
المهم وبعد صراع 3 شهور معاها وبعد ولادتي ذلفتها المكتب لأني شفت مسج بتلفونها من مصري يقول لها طرشي لي عنوان البيت إذا المدام طلعت
وكنت توني مخلصة نفاسي وياهل الحمد لله أموري كانت تمام وماشي الحال بس محتاجة خدامة
رحت ويا أختي ندور على مسترجعة وهمن بقيت فلبينية ومن حسن حظي لقيت وحدة اتينن مووووووووووووووووو طبيعية مشتغلة بالسعودية ابوتيك أميرة يعني قمة السنع والذرابه وتمت عندي 3 شهور بالضبط وفجأة تغيرت وقامت تبجي شفيج شفيج ؟ تقول حاسة ريلي يخوني وبرجع الفلبين
وليييييييييييييييين مني مناك ماكو جان أعصب وأوديها المكتب بس خلاص لاعت جبدي منهم وماكان فيها رجا كللللللللللللللش
وقعدت شهرين ونص بدون خدامة شنو عيشه شنو حرية شنو راحة بال لين ما اكتشفت إني حامل ربي يتمم علي وقلت لازم أطلب لي وحدة المهم طلبت فلبينية مشتغلة بالرياض 5 سنوات وتوها صار لها عندي 3 أسابيع الله يستر
حدي كارهة وجودها بالبيت وخايفة بعد 3 شهور تقول ما أبيكم
علشان جذي هيأت نفسي لهالمفاجأة
وقررت بعد ولادتي بإذن الله بيكون عمر البجر سنتين و4 شهور واليديد شهرين بروح مع ريلي لندن لمدة 3 شهور عنده دوام هناك فقلت برجع ومابي عندي خدامة بالبيت آنا بجابل عيالي بروحي خاصة عقب اللي قاعدين نسمعه ونشوفه من مصايب ومشاكل الخدم
يمكن مابي حل من طرحي لموضوعي بس حبيت أفضفض علما بأني مو مقصرة معاهم بالأكل - ألبسهم أحلى لبس - كل احتياجاتهم علي ودايما أقول لهم معاشج لعيالج وأسرتج بس - ما أطق الحمد لله ولا أهينهم يعني باختصار وربي يشهد علي أعاملهم بالحسنى وباللي يرضي رب العالمين لدرجة مرة رفيجتي على ضحك قالت لي ودي أشتغل خدامة عندج ههههههههههههههههه
وعلى فكرة ولدي محد يلمسه غيري الخدامة كلللللللللللللللللللللللل للللش مالها شغل فيه ولو اضطريت أطلع مع ريلي أوديها مع ولدي بيت وحدة من خواتي لايمكن أخليه بروحه معاها
وشقتي صغيرة والطباخ مو يوميا يمكن مرتين بالأسبوع وتقعد 8 ونص وتنام عشر ونص بالكثير هذا غير فترة الراحة الظهر
وآنا اللي أغسل الملابس وأحطهم بالنشافة يعني شبقى ههههههههههههههههههههههههه هه
لكن بنفس الوقت أكون رسمية بحدود المعقول معاهم يعني ما أصير خفيفة ولا ظالمة
عاد ودي تريحوني الله يريحكم دنيا وآخرة اللي بسويه صح ؟ يعني قبل السفرة خلاص أكنسل الخدامة خاصة لندن بصعوووووووووووووووووووووو ووووووووووبة جدا جدا يعطون فيزا للخدامة؟
وفوق هذا ريلي مشجعني على فكرتي وآنا أقدر أجابل عيالي وشغل البيت الحمد لله
ناااااااااااااااطرة آراءكم وآآآآآآآآآآآآآآآآآآآآآآآآ آآآآآآآآآآآآآآآسفة عالقرقه