ولله احب ابوي لكن .........

<div>مرحبا صبايا



شخباركم



بدخل بالموضوع على طول



المشكله هنا مع ابوي


ابوي عليه حركات تنرفز


ببتدي السالفه الاولى
يوم كنت في الثنوي قالي انتي اتحداج تدخلين الجامعه انتي وجهج مو وجه دراسه وانواع تحطيم النفسيه
:eh_s(2):
وواهوا شاد حيله مع اخوي الصغير ومن مدرسه خاصه الى الثانيه
ودورات انقلش
ويوم تخرجت انا جبت نسبه قويه الحمدلله
قلت بدخل قسم تصميم داخلي
وعصب علي ورفض اني ادخل القسم اللي ابيه قالي ليه واذا تخرجتي تقعدين تشتغلين مع رجاجيل
اذا دخلتي القسم وماسمعتي كلامي بخليج تنامين على شهادتج

ولما تخرج اخوي جاب نسبه 77 ودخله ابوي جامعه بفلوس ورسب

وآخر شي دخلت قسم رياض اطفال ولا حققت حلمي


السالفه الثانيه

ابوي شكااااااااااك بشكل مو طبيعي
مره كنت راجعه من السوق وحذفت شنطتي بالصاله
وجا ابوي وحاس فيها ولقى رقم
جاتني امي وقالت لي السالفه وا ابوي معصب علي وطبعاً اهي شكت فيني من كلام ابوي وجلست احلف لها
اني مادري من رقمه وشلون دخل شنطتي وامي فديتها صدقتني وتدري اصلن اني مب حق هالحركات


ومره كنت جالسه اسولف ع المسن
وسحب الجهاز مني وفتح على جهات الاتصال حقتي
وانا مقسمتهم جهه للعايه وجهه مسميتها ربعي
وجلس يصارخ علي منهم ربعج هذولا صبيااااااااااااااااااااان !!!

:eh_s(2):ليه يشك فيني عمري مافكرت بها الشي
وجلست اصيح واحلف له والله بنات والله العضيم بنات وصديقاتي بالمدرسه
وباليالله بعد الموت صدقني


بس مع الوقت خفت حاله تسحب الاجهزه وصار بس يطل بالشاشه
يشوف وين داخله :D

بس طبعا مزاجيه ابوي محد يقدريتوقعها حتى امي :D




السالفه الثالثه
كان رااااااافض يجيبلي موبايل
وكنت استخدم تلفون البيت وماكنت استخدمه دايم يمكن مره بالاسبوع بس حتى تمر شهور مااستخدمه:krkrkr:

وكنت اكلم وحده من صديقاتي بس رفعت السماعه والله ماخذيت 3 دقايق الا يقولي صكي التلفون صكيه بصوت عالي وانا قلت له طيب بس دقيقه وسمعته صديقتي وتأسفت وصكت
والله طاح ويهييييييييييي قدامهااااااااا

بس بعدين يوم دخلت الجامعه وكنت اروح وارجع ماعندي موبايل امي تكلمني عليه
وجابه لي هديييييييييييييييييييه وااااااااااااااي حيل استانست :eh_s(22):


السالفه الرابعه
انا كل يوم اروح الجامعه مع السايق وبالحالي واهوا ابوي يدري
وعادي الوضع ولا قال شي
ومره رجعت من الجامعه باخذ بطاقتي مالت البنك وبروح اسوي كشف حساب
وشافني وقالي وين رايحه قلت بروح الصراف

قالي وبالحالج قلت مع السايق
قالي لا ماتروحين بلحالج مع السايق :eh_s(4):
!!!!!!!!!!!!!!!!!!!!!!

تناااااااااااااااااااااقض
كل يوم اروح وارجع مع السايق بالحالي اليوم صار لااااا:eh_s(14):


السالفه الخامسه

عزمتني صديقتي ببيتهم
وطبعاً رفض مع انه يعرف ابوها وكل شي ويمدح فيهم بعد
وبعد طلعه الروح وبجي رضى يوديني
قالي لج ربع ساعه بس وباخذج:eh_s(2):
لا ويوم جيت بركب السياره تفتيش ع الملابس
لبستي شرابات سوووووووود وتنوره طويله وبلوزه اكمام طويله ومسكره عند الرقبه:eh_s(2):

اقل حقوقي حريتي بلبسي انا ماراح اتفصخ بس ليه هالتشدد





السالفه المدري كم
بالاجازه كنا ميتين نبي نسافر

قال حق امي انا ودي افر عيالي اوديهم تركيا عشان لاكبرو يقولون الله تذكرون السفره اللي رحناها مع ابونا

وطبعا تعلقت قلوبنا نبي نطلع


ومامر اسبوع الا مسافر مع جدي بالحاله ومخلينا طول الاجازه بالبيت :eh_s(2):
الله يسامحه كان ماقال لنا

وجات السنه اللي بعدها ورحنا الامارات 4 ايام الحمدلله نعمه:ggdw:
ولما كنا في الفندق يقول حق امي بنتج هذي كبيره اتفشل لما اخليها تمشي معاي