تقــريــر لذيـــذ عن المطعــم اللبــانى اوبرجين
موضـــــــــــــوع منقول من مدونه "بنك قيرل":eh_s(17)::eh_s(17):
Aubergine Lebanese Restaurant
تمت دعوتنا من قبل المطعم اللبناني الجديد أوبرجين لتجربة اطباق العشاء لديهم
اول ما وصلنا رحب فينا الاخ جورج نصار مدير المطعم وخيرنا نقعد بقسم المدخنين او غير المدخنين وطبعاً اختيارنا كان لمكان غير المدخنين
وايد حبيت انهم فاصلين مكان المدخنين عن غيرهم كلياً خصوصا ان المطعم يقدم الشيشة
المنيو به العديد من الاطباق اللبنانية اللذيذة اضافه الى بعض الاطباق الخاصة بمطعم اوبرجين بالخلطة السريه سواء كان من مقبلات او مشاوي وسلطات وعصائر الى الحلويات
شوربة العدس .. احلى شوربة عدس ذقتها لي الحين عجيييييبة والكل اجمع انها 100% انصح فيها وبقوة
سلطة اوبرجين .. وايد لذيذة فيها بيديان ومشروم وفلفل اصفر وجرجير وجبن برميزان والدريسنق خلطه سريه وايد عجيبة
الفتوش هم كان لذيذ وحبيت طريقتهم في وضع قطع السمبوسة اللبنانية الميني وداخلها سماق يم يم ناااطعه
تبولة ايضاً عجيبة
طلبنا يكون المتبل والحمص بدون زيت وكانوا وايد لذيذين
حمص اوبرجين موووووصج اللي يروح لازم لازم يجربة السر بهاللي فوق قطع من البصل صايرين وايد ضعاف وطعمهم نفس الاونيون رينق ومع الصنوبر والحمص خطيييرر
