فكرة دايت العصاير مع فيلم fat sick and nearly dead

السلام عليكم
http://ecx.images-amazon.com/images/...500_AA300_.jpg
أمس شفت فيلم اسمه FAT,SICK AND NEARLY DEAD
اهوا فيلم وثائقي عن شخص وزنه زايد و فيه حساسية بالجلد يسوي رجيم عصاير فواكة و خضروات لمدة 60 يوم نزل وزنه بشكل خيالي و قط أدوية الحساسية و صار جسمه صحي, و قام يقنع الناس بهالدايت

و في وحده جسمها زين سوت هالدايت مدة 10 ايام و صارت بشرتها صافيه و تلمع فيها صحه و كانت تعاني من صداع نصفي تقول من سوت الدايت 10 ايام ما ياها الصداع

لاااازم تشوفونه هالفيلم يعطي دافع ان الواحد يفكر ان يدخل الخضار و الفواكة أكثر بغذائه اليومي
راح أحطلكم رابط الفيلم عشان تطالعونه اون لاين في اخر الموضوع

عقب ما شفت الفيلم دورت على وصفات عصاير خضار لان بصراحة احس عصاير الخضار صعبه الواحد يعرف طعمها زين ولا مو زين و هاذي بعض العصاير اللي ترجمتها :
(1)
2 جزر
2 طماط اللي يصير طويل مو مدور
شدة بقدونس
نص كوب سبانخ
عود او عودين سالاري
(2)
هالعصير يقولون ينظف الجسم مسمينه المنظف
4 عوادة سالاري
شدة كزبر
خمطة سبانخ
(3)
تفاحتين و نص
نص خيارة كبيرة
شوية زنجبيل
(4)
كوب سبانخ
نص خيارة كبيرة
عودين سالاري مع الاوراق
3 جزرات
نص تفاحه

العصاير هاذي تعطي نضارة للبشرة و تنظف الكبد و اتخليج تنزلين من وزنج
خلونا نختار اي عصير خضرا و نشرب على الاقل كوب باليوم

و هذا رابط الفيلم للي حابه تشوفه
http://www.tubeplus.me/player/160418...d_Nearly_Dead/