اتحدى الي يقول ان سبب مشاكل الاتحاد ماديه...####

<div>الي يقول لي ان سبب ضعف الاتحاد حاليا اهو الحاله المادية اقول له غلطان ياعزيزي ودليل فريق الاتفاق الي اقل منا امكانيات مادية وشوف فريقه ينافس ليش لانه يلعب بالاعبين الي يستحقوا ان يمثلوا الفريق كيف تبغوا الاتحاد يتطور وهو يلعب بلاعبين واسطه ولاعبين مجاملين مبروك زايد منتشري النمري هالاشكال كيف تمثل الاتحاد وعلى اي اساس تم وضعهم بتشكيلة الاساسية ويتم ارسال الاعبين الافضل منهم إلى دكة الاحتياط الحارس علي المزيدي ابدع وقدم مستويات جيدة مع الاتحاد وبكل بساطة يتم وضعه بدكة الاحتياط ويلعب مكانه مبروك زايد عمركم شفتوا واسطه ومحاباة اكثر من كذا المنتشري اختفى مباراتين وتحسن اداء الدفاع الاتحادي وفجاه يرجع بكل بساطه رغم ان الادارة والمدرب يعلموا انه خلل كبير في دفاع الاتحاد لمتى المجاملة على حساب الاتحاد ومن هو المسؤول ولماذا بعض الجماهير الاتحادية تفضل استمرار بعض الاعبين على مصلحة الاتحاد تقول لهم هالاعب فاشل يقولوا لك لا حرام عليك جيد نسيت وش قدم للاتحاد قبل عشرين سنه انا وش همني قدم للاتحاد زمان انا اهم شي عندي وش قدم للاتحاد الان كفاية عاطفه كفاية لعب بتاريخ الاتحاد من اجل مجموعة من الاعبين المنتهين الصلاحية الاتحاد اهم من هاولا.

المغفلين الي يحطوا السبب على المدرب اقول لهم ماعندكم سالفه المدرب ماله الا ايام حضر وقدامه اجانب فاشلين ومحليين افشل ولو انا مكان الادارة اخليه يقوم بغربلة الفريق وتخريج جيل شباب وابعاد الفاشلين وفرض نظام على الاعبين والغاء الواسطات والمحسوبيات الي دمرة الفريق وجعلت الفاشل يمثل الفريق والجيد يجلس بدكة الاحتياط هذا هو الي راح يرد النادي لمستواه مو الفلوس فقط.

خلاصة كلامي مو بس المادة تصنع فريق ولاكن الفكر اولا هو من يصنع لا تحط لي لاعب فاشل وتقول لي راح يقدم شي حتى لو تدفع للنادي مليارات لا تستخدم الواسطه والمجامله وتقول ليه مايقدم النادي مستوى الفلوس مو كل شي افهموا ياناس...


ودمتم