قصة حب رفيجت نبي استشارتكم بنات ♥

السلام عليكم ورحمة الله وبركاته
صبحكم الله بخير بنوووتات ♥

رفيجتي وتؤم روحي عندها مشكله وانا بحكم قربي منها بتعاطف معاها وماحكم عقلي
واايد فحبيتكم انتو تنصحونها لانكم مً تحملون لها اي عاطفه واي كلمه بتقولونها بتكون صادقه وماوراها غير نصيحه
بنات رفيجتي قبل اربع سنين تعرفت ع واحد من نت ( عشان ابري ذمتي امام ربي الكل عارف الحكم الشرعي لهلـ\ـموضوع هذا شي مانختلف فيه )
المهم اللى صار صار ومحد يقدر يغير ماضي وهي ندمانه
المهم نكمل
في بدايه كانت علاقتهم صداقه ( عشان تعرفون ان مافي شي مسمى الصداقه بين بنت وولد)
الولد حبها وتعلق فيها ومن بدايه قال لها غرضي الزواج
وهي ماكانت مقتنعه هذي البدايه
قبل سنه وتقريبا بعد ثلاث س نين من علاقتهم ...
صارت للولد ظرف خلاها تتعاطف معاه ومادري كيف حبته المهم حبته وتعلقت فيه
وبتقولون وين مشكله كل امور تمام
اي بس المشكله
ان ولد مب عربي وانتوا تعرفون نظرة الاهل للمواضيع مثل هذي وانا اييدهم الصراحه
الحين صار وقت اللى لازم تخبر اهلها عنه
وولد جاد ويبي يخطبها ... وهي خبرت امها وبتأكيد امها رفضت
وكل عارفين مشاكل ناتجه عن موضوع من اختلاف لغه وعادات وبنت اذا ريلها سافر بتتبعه وبتبتعد عن اهلها
بس قلب مايعرف هلـ\أمور وهي متمسكه فيه مومستعده تتخلى عنه
حاولت مع امها بكل طرق امها رفضت وانها توافق
المهم
قالت لـٍ وحده من رفيجاتنا ان تقول لـ امها
ان اخوها يعرف الولد ون ولد مشاءلله وووو ,مدح طبعا
واصلا اخو البنت مايعرف الولد >> طبعا هذا غلط بس قلت لكم ماتبي تخسره
لان ولد زين ومالف ودار عليها على طول حبها قال بخطبج
وهذا شي عاجبها
هو صحيح السلبيات كثيره بس بعد تحبه وهو شاريها
هي تبيه واكيد تبي رضى امها
في نفس وقت
ونسيت اقولكم هي تعرفت ع خوات ولد وحبتهم كثير ( هو الحين اكيد بعد عشره غير )
وشغله مهمه بعد بتخلي ام ترفض ان ولد مب مكمل دراسته ؟!!
انا مادري غلط او صح بس هي ناويه ماتقول لـأمها عشان امها اهم شي عندها الدراسه
وبعد الولد من نفس عمرها يعني صغير ؟؟؟
كل هذا بكف وامس امها خبرتها ان في ناس متقدمين لها
وهي بتنفجر من هم عسى الله ينور لها طريقها وينولها اللى ترضى فيه ويحبه
بنات انا ابي رايكم هذا شي وشي الثاني بليز بنات هي بتقرى ردود
ابي كلام منطقي مو هجوم

انا ادري ان غلط وهي بعد تدري يعني لااحد يقول ان غلط هذي قديمه وكل بشريه عارفتها وماكواثنين يختلفون ع هشي
بس بنت محتاره وماخاب من استشار صح
وشغله الاهم
لاتنسون

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

تفاصيل كثيره >> ادري بس فديتكم عشان تعرفون قصه كلها
وفديتها حبيبتي اتمنى كلامكم ينورها عشان ماتندم
ومن الحين اشكر كل من رد علينها وقال كلمه حلوه >>


استودعتكم الله:eh_s(8):